AQSH-tyń Florıda shtatyndaǵy Boka Raton qalasynda ornalasqan «Boca raton resort & club»-ta ótip jatqan kásipqoı boks keshinde Janqosh Turarov qarsylasynan basym tústi dep habarlaıdy Qamshy aqparattyq agenttigi.

Meksıkalyq Gýstavo Garıbaımen bokstasqan jerlesimiz alǵashqy raýndtan-aq qarsylasynan basym ekenin kórsetti. Al, úshinshi raýnd ortasyndaǵy sol qolmen urǵan soqqysy meksıkalyqtyń jaǵyny astynan tıdi. Ol sodan soń qarsylasyn qýalap júrip sabady. Osylaısha tehnıkalyq nokaýtpen jeńiske jetti.

Qazaqstandyq kásipqoı boksshy Janqosh Turarov 2016 jyly óziniń 20-shy jeńisin tirkep, 14-shi nokaýtyn tarıhqa jazǵan edi. Ol sáttegi qarsylasy ganalyq Isaak Arıe bolatyn

Janqosh Turarov 1990 jyly 20 qarashada Jambyl oblysy, Aqkól aýylynda dúnıege kelgen. Birden kásipqoı boksqa kelgen qazaqstandyq kásipqoı boksshy, kóptegen halyqaralyq týrnırlerdiń jeńimpazy, 2009 jyldyń 6 aqpan kúni Almaty qalasynda kásipqoı bokstaǵy alǵashqy jekpe-jegin ótkizdi.

Aıta ketsek ótken jyldyń 18 qarashasynda otbasyn qurǵan Janqoshtyń birneshe kún buryn ǵana qyzy dúnıege kelip, áke atanǵan edi.

Atalǵan boks keshinde Janqoshpen birge Qanat Islam da óziniń 24 kezdesýin ótkizdi. Salmaq ólsheý rásiminde olardyń kóńil-kúıi óte jaqsy boldy. Eske salsaq, bıyl 9 qyrkúıekte Astanada jerlesterimiz úlken kezdesý ótkizetin bolady.