Almatyda jalǵyzbasty qarttardy jaýyzdyqpen óltirip, páterlerin óz attaryna zańsyz rásimdep, satýmen aınalysyp júrgen qylmystyq top ustaldy. Uıymdasqan toptyń 45-ke jýyq qylmystyq iske qatysy bar bolýy múmkin dep habarlaıdy Qamshy aqparattyq agenttigi 31 arnaǵa silteme jasaı otyryp.
Belgili bolǵandaı, baskeserlerdi qylmys áleminiń bedeldi tulǵalary basqaryp otyrǵan. Onyń quramyna burynǵy polısıa qyzmetkerleri, notarıýster men ózge kúdiktilerdi qosqanda, 20-dan astam adam kirgen. Tergeý nátıjeleri boıynsha, ıeleri iz-tússiz joǵalyp ketken páterlerdi rásimdep-satýǵa baılanysty 4 jaǵdaı anyqtalyp otyr. Qazirgi kezde uıymdasqan top músheleri ustalyp, qamaýǵa alynǵan.
