Jol qaýipsizdik erejeleri adam qanymen jazylǵan dep beker aıtylmasa kerek. Kólik júrgizýshileri de, jaıaý júrginshiler de erejelerdi saqtaı otyryp jol apatynan saqtanýǵa bolatynyn biledi. "Saqtyqta qorlyq joq" demeı me? Alaıda erjelerge nemquraıly qaraıtyn adamdar da tabylyp jatady. Jol erejelerin saqtamaıtyn kólik júrgizýshi ózi úshin de, ózgeler úshin de  asa qaýipti. Bir jeńil avto kólik júrgizýshisi jol erejesinde kishkene qatelik jiberse nemese róldi basqara almaı ketse qaıǵyly jaǵdaı oryn almaq.

Alaıda jaıaý júrginshiler de telefonǵa úńilip, tipti baǵdarshamda qandaı tús janyp turǵanyna da mán bermeıtinder bar. Baǵdarshamnyń qyzyl túsi janyp tursa da asyǵyp, júgirip ótetinder bar ekeni jasyryn emes. Ony kúndelikti ómirde sizde, biz de kórip júrmiz.

Al qazir Fransıada bolǵan jaǵdaıǵa toqatalaıyq.

Parıjdiń ashyq aspan kúnderiniń birinde kóshe boıynda bir top adam joldy kesip ótpekshi bolady. Baǵdarshamda qyzyl jansa da adamdar telefondaryna qarap joldan óte beredi.

Osy júrginshilerdiń arasynda baǵdarshamnan ótip bara jatqan áıel de bar. Ol asyǵyp bara jatqan kezde tynyshtyqty buzǵan kóliktiń tejegishiniń dybysyn estıdi. Qatty shyqqan tejegish daýsyn estigin áıel shoshyp aıqaılap jiberedi. Betin qolymen jaýyp qalady. Biraq... Ol esin jıǵanda qasynda eshqandaı kóliktiń joq ekenin ańǵarady. Túkte túsinbeı jan jaǵyna qaraı bastaıdy da myna sýretke kózi túsedi.

Áıeldiń týra aldynda óziniń qaýipti sezgen ýaqyttaǵy sýreti turady. Onda «Ólimmen betpe-bet kele berme. Joldan ótesiń be baǵdarshamǵa nazar aýdar» degen jazba bar.

Mine, fransýzdar jolǵa nemquraıly qaraýdyń arty qandaı bolýy múmkin ekenin osyndaı áreketpen halyqqa túsindirýge tyrysty. Dál osy jaǵdaı kóp adamdardyń oılanýyna sebep bolary anyq.

Daıyndaǵan: Nazerke Musa