Tısha Boshemınniń tolyqqandy otbasy boldy. Súıikti jubaıy men bes balasy. Áıel adam úshin budan asqan baqyt bar ma? Ol ómiriniń az ǵana ýaqyt ishinde ózgerip ketetinin múldem oılamasa kerek.

Óziniń múldem tanys emes kórshisine kómektesemin dep búkil elge tanymal bolǵan.

Onyń Odrı esimdi kórshisi bolǵan. Ekeýi asa qatty jaqsy aralaspaǵan eken. Tek kún saıyn qal surasyp amandasyp turǵan. Alaıda kúnderdiń bir kúninde Odrı aýrýhanaǵa jatatyn bolady. Ol kórshisi Tıshaǵa qolǵabys etýdi ótinedi.

Kóp balaly ana Tısha bir túnge Odrıdiń balalaryna qaraımyn dep ómiriniń osynshalyqty ózgeretindigin oılamasa kerek. Kelesi kúni Odrıde qaterli isik bary anyqtalady. Sol sátten bastap Odrı men Tısha jaqsy qurbylarǵa aınalady. Tısha osyndaı qıyn sátte aýrýǵa shaldyqqan Odrıdiń qasyndan tabylǵan jalǵyz adam bolǵan. 

Kóp uzamaı Odrıdiń kúnderi sanaýly ekeni belgili bolady. Aýrýǵa shaldyqqan áıel óziniń emes, balalarynyń bolashaǵyna alańdaıdy. Sońǵy aıtar sózinde balalaryn Tıshaǵa tabystaıtynyn aıtyp, olarǵa qamqorshy bolýyn  ótinedi.

Odrıdiń úsh balasynyń taǵdyryna qapalanǵan Tısha jáne onyń jubaıy Odrıdiń qazasynan soń balalaryn asyrap alady. 7 adam turǵan úıge endi taǵy 3 adam  qosylyp úı máselesi problemaǵa aınalady.

Osyǵan qaramastan Tısha qurbysynyń balalaryna bar yqylasy men kóńilin bóledi. Alaıda úı tarlyq etip erli-zaıyptylar qatty qınalady.

Kúnderdiń bir kúninde Tıshaǵa jergilikti telearnadan kelip oǵan birneshe kúnge qonaqúıge turýyn ótinedi. Úlken otbasy úılerine qaıta oralǵanda óz kózderine ózderi senbeıdi. Janashyr halyq Tısha men onyń úlken otbasyna syı jasaǵan eken. 

Daıyndaǵan: Nazerke MUSA