Bul sırıalyq jup Ahmed pen Hadıja. Olardyń jasy 65-te. Otasqandaryna kóp jyl ótse de bir-birine degen sezimderi sónbegenin aıtady. Kezinde Ahmed pen Hadıjanyń ákeleri jaqyn dos bolǵan. Ekeýi balalaryn úılendirip, týysqan bolýdy qalaǵan. Olar ómir boıy balalarymen Sırıada turyp kelgen.

Ózderińizge belgili Sırıada azamattyq soǵys júrip jatyr. Kún saıyn kóptegen adam kóz jumady. Onyń ishinde beıkúná bala da, aq jaýlyqty ana da, aq shashty qarıa da bar.

"Osy sumdyqty kórgenshe, ólip ketsem bolar edi" deıdi Hadıja. Olardyń balalary Túrkıaǵa qashyp ketken. Ahmed pen Hadıja týǵan elinde qalýdy durys dep sheshken.

«Balalarym úıge orala alady dep úmittenemin. Balalarymdy áli de kóremin dep oılaımyn. Biraq qalaı kóremin olardy?» deıdi Hadıja kózine jas alyp.

Qazir otbasylyq jup Sırıa men Túrkıanyń shekarasynda turady.

«Bizdiń júregimiz qaıǵy men kedeılikten bosap qaldy. Aýyrǵanda janymyzdan tabylatyn segiz balamyz bar edi. Endi eshkimimiz joq. Barlyǵyn qudaıdyń qolyna tarpsyrǵan jaqsy» deıdi Ahmed kóz jasyna erik bermeýge barynsha tyrysyp.

«Ýaıymdama, kókte demalamyz» dep jan jaryn jubatty Hadıja.

Soǵys pen qıyndyqtarǵa qaramastan ekeýi birge ekenine qýanyshty ekenin aıtady.

Daıyndaǵan: Ásem Álmuhanbet