Jaqynda Donald Tramptyń qanǵa boıalǵan basy túsirilgen sýretter men vıdeolar BAQ arasynda tarap biraz daý týǵyzdy dep habarlaıdy Qamshy aqparattyq agenttigi sheteldik BAQ-qa silteme jasap.  TMZ basylymy  AQSH prezıdentiniń  basyn ustaǵan telejúrgizýshiniń sýretterin jarıalaǵan.  CNN telearnasynyń júrgizýshisi  Ketı Grıffın fotograf Taıler Shıldspen fotosessıa ótkizip AQSH prezıdentiniń "kesilgen" basynyń maketimen sýretke túsken.

Málimetterge súıensek, fotograf Taıler Shılds osyndaı áreketterimen tanymal bolǵan. Sonymen birge, telejúrgizýshi fotosessıadan keıin olardyń zań aldynda jaýap berýi múmkin ekendikterin aıtyp, ondaı jaǵdaıda Meksıkaǵa kóship ketemiz dep qaljyńdaǵan.

Qazirgi kezde osy máselege baılanysty AQSH-tyń qupıa ister jónindegi qyzmeti tekseris júrgizýde.

Sholýshy: Nazerke MUSA