Ulttyq kásipkerler palatasynyń alańynda tarıf belgileniminiń yntalandyrý ádistemesin engizý máselesin talqylaýǵa arnalǵan jıyn ótti. «Atameken» UKP Basqarma Tóraǵasynyń orynbasary Eldos Ramazanovtyń jetekshiligimen ótken basqosýǵa memlekettik organdar men bıznes-qaýymdastyq ókilderi qatysty.

Jıyndy ashqan Eldos Ramazanov tarıf boıynsha Keńes jumysyn jetildirý týraly usynysyn ortaǵa saldy.

«Keńestiń sońǵy otyrysy jarty jyl buryn ótti, sondyqtan Keńes quramyn keńeıtý týraly usynys bildirgim keledi, sebebi quramyna óńdeý ónerkásibi, mashına jasaýshylar, agroónerkásip kesheni men hımıa ónerkásibi odaǵynyń sekildi tabıǵı monopolıalar sýbektilerin paıdalanýshylardyń ókilderi qatystyrylmaǵan. Bul baǵytta jumys atqarylyp jatyr. Sonymen qatar, qosymsha keńes nemese jumys tobyn qurýdy usynamyn. Usynysymdy qoldaıdy dep oılaımyn, barlyǵyn, sondaı-aq óńirlerdi de iske tartamyz», ­– dedi Eldos Ramazanov.

QR UEM Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıteti QR Tabıǵı monopolıalar týraly jańa zań jobasyn usynǵan.

Basqarma Tóraǵasynyń orynbasary Eldos Ramazanov «Atameken» UKP Tóralqa Tóraǵasy Tımýr Qulybaev tarıfke qatysty jumysty erekshe baqylaýǵa alyp otyrǵanyn atap ótti.

Zań jobasynyń basty maqsaty – qoldanystaǵy shyǵyny kóp ádistiń ornyna tarıf belgilemesiniń jańa ádisin kezeń-kezeńimen engizý úshin quqyqtyq negiz qalyptastyrý.

«Tabıǵı monopolıalar men naryqty retteý týraly qoldanystaǵy zań jobasy 1998 jyly qabyldandy, onda shyǵyny kóp ádisteme bekitilgen jáne tarıf belgilemesiniń jańa ádistemesin engizýge jol bermeıdi. Bul zańǵa qabyldanǵaly beri 15 zań boıynsha 200-den astam túzetý engizildi, tarıftik retteý prosedýrasy zańǵa qosymsha 79 aktide bekitilgen», ­– dep naqtylady Basqarma Tóraǵasynyń orynbasary.

Sonymen qatar, QR UEM Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıteti Tóraǵasynyń orynbasary Rýstam Ahmetov talqylanyp otyrǵan zań jobasy tarıf belgilemesiniń jańa quraldaryn engizýge jáne ashyqtyǵyn arttyrýǵa joldanǵanyn atap ótti.

«Zań jobsyn alǵash ret elektrondy formatqa salyp otyrmyz. Onda tutynýshylar úshin tarıfke qatysty barlyq esepteýler kórsetilgen. Osylaısha, tabıǵı monopolıalar sýbektilerine tarıf belgilemesine qatysty komersıalyq aqparatty jáne kez kelgen basqa da dúnıelerdi tanýǵa tyıym salamyz», – dep túsindirdi Rýstam Ahmetov.

Kezdesý barysynda Eýropa qaıta qurý jáne damý bankiniń keńes berýshi mamandary usynylyp otyrǵan retteý mehanızmin túsindirdi. Mehanızmge retteýdiń uzaqmerzimdi kezeńi, ınvestısıalyq kapıtalǵa kiris pen qaıtaryp berýdi anyqtaý, operasıalyq shyǵyndardyń tıimdiligi men sapa kórsetkishterin anyqtaý jáne t.b. elementter kirgizilgen.

«Uzaq merzimdiliktiń arqasynda ekonomıkalyq josparlaý turaqtylyǵy, baǵa men sapanyń ózara baılanysyn qamtamasyz etý, ınvestısıalyq tartymdylyq pen únemdeýdi qoldaný múmkindigi negizgi artyqshylyqtary bolyp sanalady», – dep atap kórsetti EQDB keńesshisi Anatolıı Avksentev.

Alaıda Keńes músheleri tarıfterdiń ósýi men túrli salada beıimdeýdiń qıyndyǵy týraly qaýiptenetindikterin jetkizdi.

Óz kezeginde, qoǵam qaıratkeri Petr Svoık reformalaý qajet ekenin qoldap, óz usynysyn ortaǵa saldy.

«Rasymen de, bul ádisteme tıimdi kórinedi. Degenmen, bizge ne beredi, ne jetpeıdi, neni qosý kerektigin túsiný kerek. Qazir basty másele qaısy? Ol tutynýshylar, ásirese shaǵyn jáne orta bıznes óziniń tóleýge qabilettiliginiń sheginen shyǵý kerektiginen turady. Kásiporyndarǵa (tabıǵı monopolıalar sýbektisine – red.) shynymen de ınvestısıa kerek. Ulttyq palataǵa aýqymdy jumys júkteledi dep oılaımyn. «Atamekende» biliktiligi sapaly tehnıkalyq taldaý bar. Aýdıtor óz jaǵdaıyn baıandaýy kerek, sondaı-aq monopolıs te óziniń jaǵdaıyn aıtýy qajet, sondaı-aq ókilder men tutynýshylar da jasyrmaǵany jón, sol aqparattardyń barlyǵyn salystyra kele, Ulttyq kásipkerler palatasy tóreligin aıtady», – dedi Petr Svoık.

Qazaqstan elektr energıasy qaýymdastyǵynyń tóraǵasy Sháımerden Orazalınov EQDB keńesshileri yntalandyrý ádistemesin engizgen kezde tarıftiń boljanatyn ósýiniń sandyq kórsetkishterin berýdi surady. Qurastyrýshylar atalǵan málimetterdi berýge ýáde etti.

Eldos Ramazanov jıyndy qorytyndylaı otyryp, pikir jınaqtap, ony QR UEM Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıtetine engizý úshin «Atameken» bıznes-qoǵamdastyq ókilderinen syndarly usynystar kútetinin atap ótti.