Búgin Senattyń konstıtýsıalyq zańnama, sot júıesi jáne quqyq qorǵaý organdary komıtetiniń otyrysynda «Qazaqstan Respýblıkasy men Reseı Federasıasy arasyndaǵy QR azamattarynyń RF aýmaǵynda jáne RF azamattarynyń QR aýmaǵynda bolý tártibi týraly kelisimdi ratıfıkasıalaý týraly» jáne «Qazaqstan Respýblıkasynyń Úkimeti men Shveısarıa Federaldyq Keńesi arasyndaǵy ruqsatsyz bolatyn adamdardyń readmıssıasy týraly kelisimdi ratıfıkasıalaý týraly» zań jobalary talqylandy, dep habarlaıdy BNews.kz.

Qazaqstan men Reseı arasyndaǵy kelisimge 2010 jyly Astanada qol qoıylǵan. «Qazaqstan Keden odaǵy men biryńǵaı ekonomıkalyq keńistik sheńberinde ekonomıkalyq ıntegrasıany odan ári damytyp jatyr. Ratıfıkasıaǵa jatatyn osy qujat eki el aýmaǵynda bolý tártibin jeńildetip, kórshiles memleketter azamattarynyń 30 kún ishinde tirkelmeı júrýine múmkindik beredi. Reseı men Belarýs, sondaı-aq Qazaqstan men Belarýs arasynda osyndaı kelisimder jasaldy», - dedi QR İshki ister mınıstriniń orynbasary Erlan Turǵymbaev.  Vıse-mınıstr atap ótkendeı, bul kelisim eki el azamattary úshin teń talaptarmen júzege asyrylady.  Depýtattar zoń jobalaryn qoldady, endi olar Senattyń jalpy otyrysynda qaralatyn bolady.

Qamshy-aqparat