Ózbekstan kabeldi telearnasynyń stýdıalary ótken aptada Reseıdiń «RBK» jáne TMD-nyń «MIR» telearnasyn jaýyp tastady. Bul týraly Bnews.kz habarlady.

Stýdıalardyń operatorlary munyń naqty sebebin ázirge ashyp aıtpaǵan. Bar aıtatyndary – júıede tehnıkalyq aqaýlar paıda bolǵan jáne bul qysqa aralyqta túzetiledi. Bir aıta ketetini, «RBK» jáne «MIR» arnalary tek analogty telearnada ǵana óshken, al sıfrly telearnada jumys istep tur eken. Jalpy, Ózbekstanda sońǵy jyldary «Domashnıı», TNT jáne RenTV telearnalary kabeldi jelilerden alyp tastalǵan. Sóıtip, ózbek kórshilerimiz reseılik arnalardyń qańsyǵynan birjolata arylýǵa qadam bastaǵan tárizdi.

Esterińizde bolsa Qazaqstanda da jaqyn ýaqytta sheteldik BAQ-ty, tele arnalar men radıolardy qaıta tirkeýden ótkizý týraly sóz qozǵalǵan bolatyn.

Qamshy-aqparat