Memlekettik qyzmetterdi alý joldaryn jeńildetý maqsatynda elektrondyq úkimette 1 shildeden bastap 20 qyzmetti sıfrlyq qoltańbasyz alýǵa bolady, dep habarlaıdy Qamshy aqparattyq agenttigi Aqparat jáne komýnıkasıa mınıstrligine silteme jasap.
Bir rettik qupıasóz arqyly beriletin alǵashqy qyzmet bıylǵy jyldyń sáýir aıynda iske qosylǵan sottalmaýy (sottalýy) týraly anyqtama edi.
20 qyzmettiń 15-i bir rettik qupıasózdi paıdalaný arqyly qoljetimdi bolsa, qalǵan 5 qyzmet úshin portalda tirkelý jetkilikti.
Memlekettik organdarmen kelesi tanymal qyzmetter iriktelgen: múliktiń bolmaýy (bolýy) týraly anyqtama, jyljymaıtyn múlikti tirkeý jáne quqyqtyń aıaqtalýy týraly jeke tulǵalarǵa anyqtama berý, jyljymaıtyn múlikke tirkelgen quqyqtar (tyıymdar) jáne onyń tehnıkalyq sıpattamasy týraly anyqtama, jyljymaıtyn múliktiń tehnıkalyq pasportyn alý, azamattyq hal aktilerin qaıta alý jáne tirkeý jáne t.b.
Bir rettik qupıasóz degenimiz azamat belgili bir qyzmetti alý úshin suraý salǵan kezde sms arqyly uıaly telefonǵa keletin habarlama. Suraý salýshynyń telefonyna kelgen tekserýshi qupıasózdi (kod) eGov.kz portalynda engizý qajet. Osy kezde paıdalanýshynyń nómiri mobıldik azamattar bazasynda tekserilip, bazadaǵy nómirmen sáıkestigi rastalyp, suraý salǵan qyzmetke birden jaýap beriledi. Mobıldik azamattar bazasynda tirkelý úshin portalda «Jeke kabınetke» kirip «telefon» degen baǵanda uıaly telefonnyń nómirin kórsetý qajet. Budan bólek JSN-ǵa telefon nómirin tirkeý úshin «Azamattarǵa arnalǵan úkimet» memlekettik korporasıasynyń front-keńserine barýǵa bolady.
Otandastar dárigerdi úıge shaqyrý, dárigerdiń qabyldaýyna jazylý, medısınalyq uıymǵa tirkeýge turý sıaqty qyzmetterdi elektrondy sıfrlyq qoltańbasyz paıdalanýǵa bolady. Bul jerde medısınalyq uıymǵa tirkelgender ǵana úıge dárigerdi shaqyra alatynyn eskerý qajet.
Sonymen qatar áskerı qyzmetin ótkerýdi rastaý týraly anyqtama men jeńildikteri bar adamdarǵa (Uly Otan soǵysyna qatysýshylarǵa, Chernobyl AES-gi apatty joıýshylarǵa) anyqtamalar berý qyzmetteri qoljetimdi bolmaq.
Memlekettik qyzmetterdi jeńildetý jumystary proaktıvti memleketti damytýǵa baǵyttalǵan. Iaǵnı azamattardyń qatysýynsyz beriletin qyzmetter sany únemi kóbeıetin bolady.
