Reseıdiń BUU aıasyndaǵy turaqty ókiliniń orynbasary Vladımır Safronkov AQSH-tan túsinikteme berýin talap etýde, sebebi reseılikter Soltústik Koreıaǵa qarsy Vashıngton sanksıasynyń tiziminde júr, dep jazady Qamshy aqparattyq agenttigi.

Safronkov bul jaıynda BUU Qaýipsizdik keńesiniń otyrysynda sóıledi. Reseı KHDR qarsy BUU sanksıasy úshin daýys bergen.

Onyń ústine, reseılik dıplomat Phenánǵa qatysty sanksıanyń tiziminde Reseıdiń úsh kompanıasy men bir azamaty turǵany úshin AQSH-tan túsinikteme talap etti. «Bul aqylǵa syımaıtyn qadam, sondaı-aq kóńildiń qalýyna ákelip soǵady», dedi óz sózinde.

AQSH bıligi KHDR qarsy jańa sanksıany 1 maýsym kúni júrgizgen. Tizimge Reseıdiń Ardis-Bearings LLC, Aq "Nezavısımaıa neftegazovaıa kompanıa" (NNK), AQ "NNK-Prımorsknefteprodýkt" atty kompanıalary kirgen. Onyń ústine, sanksıa reseılik kásipker Igor Mıchýrınge qarsy júrgizilgen.

Hýdaınatov óziniń kompanıasyna qarsy sanksıalardyń júrgizilgenine tań qalǵanyn jetkizdi. Reseı SİM reseılik kompanıalar kirgen AQSH sanksıalaryn aıyptady.

Sholýshy: Gúlim Jaqan