Almaty oblysyndaǵy «Qorǵas» aýmaǵynda eki er adamnyń arasynda janjal boldy dep habarlaıdy Qamshy aqparattyq agenttigi zakon.kz-ke silteme jasap. Onyń biri ekinshisine pyshaq suǵyp alǵan. Jaralanǵan er adam aýrýhanaǵa bara jatqan jolda kóz jumdy. İİD oqıǵanyń mán-jaıyn aıtyp berdi.

«4 maýsymda saǵat 15:40-ta «Qorǵastaǵy» ótý pýnktinde, kedendik baqylaýdan ótetin aımaqta janjal boldy. Onda sýyq qarý qoldanyldy. Janjal Qazaqstan azamattary: Kóktal aýylynyń 1995 jylǵy turǵyny Káribjanov Dıas Ernaruly men Áýlıeaǵash aýylynyń 1992 jylǵy turǵyny Tólegenov Qýanysh Berikulynyń arasynda boldy» dedi İİD ókili.

Quqyqqorǵaý organdarynyń málimetinshe, tóbelesti bastaǵan Tólegenov pyshaqpen jaralanǵannan keıin aýdandyq aýrýhanaǵa taksımen bara jatqan jolda kóz jumdy. «Adam óltirý» boıynsha sotqa deıingi tekserý jumystary bastaldy.

Kúdikti ýaqytsha ustaý ızolátorynda.

Sholýshy: Ásem Álmuhanbet