Aıdaho shtatynyń 21 jastaǵy turǵyny Meraııa Ýolton júrek talmasy aýrýyna shaldyqqanyn 3 jyl ótken soń biraq bilgen. Aýrýy bar ekenin alǵash bilgende, ata-anasy oǵan operasıa jasaýdan bas tartady. Al operasıa der kezinde jasalmasa, qyzdyń ómirine úlken qaýip tónerin dárigerler eskertken. Endi tym kesh, dárigerlerdiń qolynan keletini – aýrýyn jeńildetý ǵana.

Sheteldik BAQ-tyń málimetinshe, ata-anasynan ne sebepti bulaı istegenin suraǵanda, olar tek duǵa jasaýǵa júgingenderin aıtty. Qyz búginde tósekke tańýly, júregi tym álsiregen, aǵzasyn qyshqylmen qamtamasyz etýge shamasy jetpeıdi.

«Olar maǵan duǵa jasap: «Qudaı seni emdeıdi, tek sený kerek» dep aıtty. Olardy jazalaıtyn ýaqyt keldi dep oılaımyn», - deıdi Meraııa Ýolten ata-anasy jaıynda.

Meraııa baýyrlarymen qosylyp ata-anasyn jazalaý úshin bar sharany qoldanyp baqty, alaıda Aıdaho shtatynyń zańyna sáıkes, olardy qyzdaryn emdetpegeni úshin jazalaý múmkin emes kórinedi. Qyzǵa tipti «Balanyń ómir súrýge quqyǵy» uıymy da qoldaý kórsetip jatyr, alaıda áli kúnge deıin nátıjesiz.

Sholýshy: Sabına Ramazan