Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizýi týraly Qamshy aqparattyq agenttigi Aqordanyń málimetine súıenip habarlaıdy.
QAÝLY ETEMİN:
1. Qazaqstan Respýblıkasy Prezıdentiniń mynadaı jarlyqtaryna ózgerister men tolyqtyrýlar engizilsin:
1) «Memlekettik saıası jáne ákimshilik qyzmetshiler laýazymdarynyń tizilimin bekitý týraly» Qazaqstan Respýblıkasy Prezıdentiniń 2015 jylǵy
29 jeltoqsandaǵy № 150 Jarlyǵynda (Qazaqstan Respýblıkasynyń PÚAJ-y, 2015 j., № 70-71, 520-qujat):
joǵaryda atalǵan Jarlyqpen bekitilgen Memlekettik saıası jáne ákimshilik qyzmetshiler laýazymdarynyń tiziliminde:
«Memlekettik ákimshilik laýazymdar» degen 2-taraýda:
«B» korpýsy bóliminde:
V sanattary tobynyń V-4 sanatynda:
«Bas konsýltant» degen joldan keıin mynadaı mazmundaǵy jolmen tolyqtyrylsyn:
«Ádep jónindegi ýákil 4»;
S sanattary tobynyń S-3 sanatynda:
«Konsýl – konsýldyqtyń basshysy» degen joldan keıin mynadaı mazmundaǵy jolmen tolyqtyrylsyn:
«Ádep jónindegi ýákil4»;
D sanattary tobynyń D-3 sanatynda:
«Baspasóz hatshysy» degen joldan keıin mynadaı mazmundaǵy jolmen tolyqtyrylsyn:
«Ádep jónindegi ýákil4»;
mynadaı mazmundaǵy eskertpemen 4 tolyqtyrylsyn:
«4 Aýmaqtyq bólimsheleri nemese vedomstvolarynyń aýmaqtyq bólimsheleri, shet eldegi mekemeleri bar ortalyq memlekettik organdarda, sondaı-aq oblystar, respýblıkalyq mańyzy bar qalalar jáne astana ákimderiniń apparattarynda engiziledi.»;
2) «Azamattardyń «A» korpýsynyń memlekettik ákimshilik qyzmetine kirýiniń keıbir máseleleri týraly» Qazaqstan Respýblıkasy Prezıdentiniń 2015 jylǵy 29 jeltoqsandaǵy № 151 Jarlyǵynda (Qazaqstan Respýblıkasynyń PÚAJ-y, 2015 j., № 70-71, 521-qujat):
joǵaryda atalǵan Jarlyqpen bekitilgen «A» korpýsynyń memlekettik ákimshilik qyzmetiniń kadr rezervine irikteý qaǵıdalarynda:
4-1-tarmaqtaǵy «, oblystyq mańyzy bar qalanyń tórtinshi sanat laýazymdarynyń orynbasarlary laýazymdary, osy óńirdiń» degen sózder «tórtinshi sanat laýazymdarynyń orynbasarlary laýazymdary jáne» degen sózdermen aýystyrylsyn;
3) «Qazaqstan Respýblıkasy memlekettik qyzmetshileriniń ádeptilik normalaryn jáne minez-qulyq qaǵıdalaryn odan ári jetildirý jónindegi sharalar týraly» Qazaqstan Respýblıkasy Prezıdentiniń 2015 jylǵy 29 jeltoqsandaǵy № 153 Jarlyǵynda (Qazaqstan Respýblıkasynyń PÚAJ-y, 2015 j., № 75-76, 552-qujat):
joǵaryda atalǵan Jarlyqpen bekitilgen Ádep jónindegi ýákil týraly erejede:
2 jáne 3-tarmaqtar mynadaı redaksıada jazylsyn:
2.«Ádep jónindegi ýákil óz qyzmetinde «Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy, «Sybaılas jemqorlyqqa qarsy is-qımyl týraly» 2015 jylǵy 18 qarashadaǵy Qazaqstan Respýblıkasynyń zańdaryn, Ádep kodeksin, osy Erejeni, sondaı-aq Qazaqstan Respýblıkasynyń ózge de zańnamalyq aktilerin basshylyqqa alady.
Ádep jónindegi ýákildiń derbes laýazymy aýmaqtyq bólimsheleri nemese vedomstvolarynyń aýmaqtyq bólimsheleri, shet eldegi mekemeleri bar ortalyq memlekettik organdarda (quqyq qorǵaý jáne arnaýly memlekettik organdardy, sondaı-aq Qazaqstan Respýblıkasynyń Qorǵanys mınıstrligin qospaǵanda), sondaı-aq oblystar, respýblıkalyq mańyzy bar qalalar jáne astana ákimderiniń apparattarynda engiziledi.
Aýmaqtyq bólimsheleri nemese vedomstvolarynyń aýmaqtyq bólimsheleri joq memlekettik organdarda (quqyq qorǵaý jáne arnaýly memlekettik organdardy, sondaı-aq Qazaqstan Respýblıkasynyń Qorǵanys mınıstrligin qospaǵanda), ortalyq memlekettik organdardyń vedomstvolarynda jáne aýmaqtyq bólimshelerinde, ortalyq memlekettik organdar vedomstvolarynyń aýmaqtyq bólimshelerinde, shet eldegi mekemelerde, tekserý komısıalarynda, oblystyq mańyzy bar qalalar, aýdandar, qalalardaǵy aýdandar ákimderiniń apparattarynda ádep jónindegi ýákildiń fýnksıalary osy memlekettik organdardyń qyzmetshilerine júkteledi.
Ádep jónindegi ýákildiń fýnksıalary basshylyq qyzmet atqaratyn, sondaı-aq ujymda qadirli jáne qurmetke ıe bolǵan memlekettik qyzmetshige júkteledi.
3. Ádep jónindegi ýákildiń derbes laýazymyn atqaratyn adam osy memlekettik organdardyń qurylymyna kiretin vedomstvolardyń jáne aýmaqtyq bólimshelerdiń, shet eldegi mekemelerdiń, aýdan deńgeıindegi jergilikti atqarýshy organdardyń ádep jónindegi ýákilderine ádisnamalyq basshylyq jasaýdy úılestiredi jáne júzege asyrady ári ortalyq atqarýshy organnyń jaýapty hatshysyna baǵynady, al jaýapty hatshy nemese kórsetilgen laýazymdy adamdar bolmaǵan jaǵdaıda – memlekettik organnyń apparat basshysyna ne qyzmetke taǵaıyndaýǵa jáne qyzmetten bosatýǵa quqyǵy bar adamǵa baǵynady.».
Osy Jarlyq alǵashqy resmı jarıalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti N.Nazarbaev
Astana, Aqorda, 2017 jylǵy 1 maýsym
№ 487
Sholýshy: Aıgerim Taýbaı
