Pákistannyń Premer-mınıstri Navaz Sharıf 8-9 maýsym kúnderi ekikúndik saparymen Qazaqstanǵa kelip, Shanhaı yntymaqtastyq uıymy samıtine qatysady, dep jazady Qamshy aqparattyq agenttigi. Bul jaıynda QazAqparat The Nation portalyna silteme jasaı otyryp habarlady.

 Úndistan jáne Pákistandy Shanhaı yntymaqtastyq uıymyna qabyldaý rásimi 8-9 maýsym kúnderi atalǵan uıymǵa múshe-elderdiń basshylarynyń qatysýymen Astana qalasynda ótetin samıtte ótedi dep kútilýde. 

 «SHYU keńeıtý máselesi búgingi tańda sózsiz ózekti másele. SHYU-yna múshe-elder basshylarynyń 2005 jyldyń shilde aıyndaǵy Astana qalasynda ótken keńesiniń otyrysynda Úndistan men Pákistan baqylaýshy-elder mártebesine ıe boldy. Alda ótetin SHYU samıti barysynda biz uıymymyzdyń osy kezeńdegi keńeıýiniń kýási bolamyz», - dedi Qaırat Abdrahmanov sáýir aıynda ótken Shanhaı yntymaqtastyq uıymyna múshe-elderdiń Syrtqy ister mınıstrleriniń keńesinde.

Sholýshy: Gúlim Jaqan