Túrkıa İİM shetelde turatyn 130 túrikti azamattyqtan aıyrý jóninde habarlady, 130 azamattyń ishinde opozısıalyq din ýaǵyzdaýshy Fetýllah Gúlen men Kúrd halyq partıasynyń eki depýtaty bar, dep jazady Qamshy aqparattyq agenttigi.
«Shetelde turatyn tizimdegi azamattar sheshim jarıalanǵannan keıin 3 aıdyń ishinde Túrkıaǵa kelip, resmı organdarǵa aıaq baspasa, zańǵa jáne Qylmystyq Kodekske sáıkes túrik azamattyǵynan aıyrylady», delingen İİM sheshiminde. Bul aqparatty Resmi gazete dúısenbi kúni jarıalady.
Usynylǵan tizimde Gúlen men Kúrd halyq partıasynyń eki depýtaty Faızal Saryıyldyz ben Týgba Hezerdiń de esimderi kezdesti.
Túrkıa Gúlendi ótken jyldyń shilde aıynda áskerı tóńkeris uıymdastyrdy dep aıyptap, AQSH-tan ony berýin talap etti.
Sholýshy: Gúlim Jaqan
