Adamzatty uıqysyz túnder kútip tur, dep habarlaıdy Qamshy aqparattyq agenttigi islam.kz-ke silteme jasap.
Postındýstrıalyq qoǵamǵa tán depressıa men stresten emes (ádettegideı), ıaǵnı, kúızelisten emes, ǵalamdyq jylynýdan adamzattyń uıqysy qashatyn bolady. Ǵalamdyq jylynýdy oılap, uıqysy qashpaıdy, ǵalamdyq jylynýdyń qaterli saldarynan uıqysy qashady.
Tarqatyp aıtqanda, Nık Obradovıch esimdi ǵalym bastaǵan álemge áıgili Garvardtyń zertteýshileri 2002-2013 jyldar aralyǵynda 765 000 amerıkalyq pasıentterdiń uıqyǵa qatysty shaǵymyn zerdelegen eken. Anyqtaı kele uıqynyń sapasy (jaılylyǵy) aýa raıymen tikeleı baılanysty bolyp shyqqanyna kóz jetkizgen. Iaǵnı, túngi temperatýra bir aılyq ortasha gradýstan asyp ketse, úsh tún boıy kirpik ile almaı shyǵatyndardyń qarasy artyp otyrǵan. Adam uıyqtaǵan kezde onyń terisiniń qan aıdaıtyn tamyrlary keńeıedi, bul óz kezeginde dene temperatýrasynyń tómendeýine alyp keledi.
Al qorshaǵan ortadaǵy temperatýra tym joǵary bolsa, dene temperatýrasynyń tómendeýine kedergi keltirip, arty uıqysyzdyqqa uryndyrady. Taǵy bir aıta ketetini, jerdegi aýanyń ortasha túngi temperatýrasy kúndizgige qaraǵanda jyldam kóterilip keledi. Álemdik ortasha temperatýra 1 ºC-qa joǵarylaǵanda (2050 jylǵa qaraı oryn alyp qalýy yqtımal) tańdy kózben atyratyndardyń qarasy kúrt artatyn bolady. Atalǵan faktor boıynsha bolatyn uıqysyzdyqtan. ásirese, kedeıler men qart adamdar qatty zardap shegedi.
Sholýshy: Aıgerim Taýbaı
