1930 jyly Tansler AQSH-taǵy áskerı aýrýhanada jumys istegen. Ol ózin graf fon Kozel dep ataǵan. Aýrýhanada ol 21 jastaǵy Elena de Hoıosty kezdestiredi.
Tansler qyzdy kezdestirgenge deıin túsinde ony kórgenin jáne ǵashyq bolǵanyn aıtady. Elena kúıeýge shyqqan áıel edi. Ony 53 jastaǵy er adam múlde qyzyqtyrmady. Alaıda oǵan qaramastan Tansler oǵan túrli syılyq syılap, qaıda júrse de izdep taýyp alǵan.
1931 jyly Elena týberýlez aýrýyna shaldyǵady. Tansler ony aman alyp qalý úshin qoldan kelgeniniń barlyǵyn jasaıdy. Ol qolyndaǵy baryn onyń em-domyna jumsady. Elena 1931 jyly 25 qazanda qaıtys boldy. Tansler áıeldiń otbasyn ony kesenede jerleýdi usynady. Al barlyq shyǵyndy óz moınyna alady.
Elena qaıtys bolǵanyna eki jyl bolǵanda Karl Tansler túnde zıratqa kelip onyń qalǵan súıegin qazyp alǵan. Keıinirek ol Elenanyń túsinde ony qazyp alýyn suraǵannan keıin, osyndaı áreketke barǵanyn aıtady.
Elenanyń súıegin úıine alyp kelgen Tansler onyń kózine áınekti salǵan. Kıim kıgizgen. Kıim jaqsy turý úshin ıyǵyna arnaıy matany salǵan. Odan keıin Elenany jibek mataǵa orap, denesine balaýyz jaqqan. Ol tiri adamnyń terisine uqsas bolý úshin jasaǵan. Jaǵymsy ıisti boldyrmaý úshin hımıkattar men ıis sýdy paıdalanǵan. Osydan keıin onyń denesin óz tósegine jatqyzǵan.
1940 jylǵa deıin Karl Tansler súıiktisiniń qasyna jatqan. Jeti aıdan keıin ǵana adamdar onyń denesi qazylyp alynǵanyn baıqaǵan. Elenanyń ápkesi Tanslerden kúdiktenip onyń úıine kelgende óli ápkesiniń denesin kórip talyp túse jazdady.
Er adam sottalyp ketti. Al onyń mahabbat hıkaıasy álem boıynsha taralǵan. Biri muny essiz ǵashyqtyq sezimi dese, endi biri onyń psıhıkalyq aýrýǵa shaldyqqanyn aıtady.
Sholýshy: Sabına Ramazan
