​Juldyzyna tym jaqyn ornalasqan gaz alyby úzdiksiz qaınap turady.

Astronomdar temperatýrasy birneshe juldyzdardan da joǵary bolatyn erekshe ǵalamshar tapty, dep jazady Qamshy aqparattyq agenttigi.

 Ǵalymdardyń baǵamynsha, KELT-9b gaz alyby 4,6 myń kelvınge deıin qyzyp tur, mólshermen 4327 gradýs Selsıa bolady. Salystyrmaly túrde alyp qarasaq, Kún betiniń temperatýrasy 5778 kelvın, ıaǵnı 5500 gradýs Selsıa.

KELT-9b «ystyq Iýpıter» sanatyna jatady. Ǵalamshardyń erekshe ystyq bolýy óz juldyzyn nebári 0,05 A.E. qashyqtyqta aınalady.

«Bul buryn-sońdy tabylmaǵan eń ystyq gaz alyby» deıdi Ogaıo shtatyndaǵy Skotta Gaýdı ýnıversıtetiniń profesorlary.

KELT-9b gaz alyby Iýpıterge qaraǵanda 2,8 ese aýyr, al tyǵyzdyǵy eki esege kem. Bulaı bolý sebebi gaz alybynyń juldyzǵa tym jaqyn bolýy, óziniń últrakúlgin sáýlelerin shashyp turatyn juldyzdyń arqasynda ǵalamshar úzdiksiz qaınap turady. Ár sekýnd saıyn gaz alyby 10 mıllıon tonnaǵa «aryqtaıdy», al atomdary ǵaryshta býlanyp turady.

1 astronomıalyq birlik 149 597 870 700 metrge teń.

Sholýshy: Gúlim Jaqan