Astana mańynda mektep oqýshysy óz-ózine qol jumsady. 9-shy synypty bıyl támamdaǵan Merýert Jaqsylyqovanyń óli denesi óz úıinen tabylǵan. Jetkinshek ózin ólimge qıardan bir kún buryn qorytyndy emtıhan tapsyrypty. Quzyrly oryndar bul qadamdy sýısıdqa balap otyr. Merýerttiń ata-anasy da, ustazdary da qyzdyń nelikten mundaı qadamǵa barǵanyn bilmeı dal. Osy iske qatysty qazir tergeý amaldary júrip jatyr, dep habarlaıdy Qamshy aqparattyq agenttigi Almaty telearnasyna silteme jasap.

Talapker aýylynyń syıly áýleti búgin qara jamyldy. Jastaıynan ómirmen qosh aıtysqan Merýerttiń bul sheshimi ata-anasy men ustazdarǵa jumbaq bolyp otyr. Qurbysy Mereıde áli kúnge deıin onyń joq ekenine sener emes. Aıtýynsha, boıjetken óte ashyq, minezi jaıdaroly bolǵan. Aınalasyndaǵy adamdar onyń eshbir jat qylyq, oǵash áreketterin baıqamaǵan. Tipten bireýmen qatty sózge kelgeninde kórmeppiz deıdi, synyptastary.

«Merýert negizi jaqsy qyz. Kúnde kúshti kóńil kúımen júredi. Qýanyp sabaqty jaqsy oqydy. Biz kajdyı peremenada júretinbiz. Bárimiz jaqsy aralasamyz. Merekeler bolsa birge júremiz»,- dedi synyptasy Mereı Tursynhan.

Jetkinshekti bala kezden tárbıelep kele jatqan klass jetekshisini oqýshysynyń o dúnıelik bolǵanyna sene alar emes.  Óte sıly, ári tolyq otbasynan shyqqanyn tárbıeli qyzdy sońǵy ret emtıhan tapsyrǵan sátte kórgen. Alǵashqylardyń biri bolyp, bıletke jaýap bergen edi deıdi. Sol kúni úıge qaıtarynda da kúlimdep, jaıdary jyly qoshtasqan. 

«5 synyptan bastap alyp kele jatyrmyn klass jetekshisi bolyp. Klass jetekshisi retinde men eshqandaı aýytqýlyq baıqaǵan joqpyn. Qazaqstan tarıhynan ózine tıesili baǵasyn aldy. Ekpindiler qatarynda boldy dedim ǵoı. Óte kóterińki kóńil kúımen ketti. Óziniń baǵasyna rıza boldy»,- synyp jetekshisi Gúlnár Imanbalına.

Keı baspasóz betterinde Merýert «qazaqstan tarıhynan» emtıhan tapsyrǵannan keıin qaıtys boldy degen aqpar taraǵan bolatyn. Mektep dırektory bul jala jabý jáne qaýeset dep otyr. Sebebi, qyz 30 mamyrda emes, 31 kúni kóz jumǵan. 

«Bul qaýeset men qarsymyn.Óıtkeni, bala tarıhtan tolyq 4 pen 5 oqıtyn besinshi synyptan bastap. Óziniń tıisti baǵasyn aldy. Bala emtıhannan qýanyp shyqty. Men ózim kirgizip, emtıhan tapsyrǵannan keıinde balany kórdim. Bala ketip bara jatqanda da ózim tildesken oqýshynyń biri Merýert edi»,- dedi Mektep dırektory, Saǵymbala Ábeeva.

Kúni keshe quzyrly oryndar men bilim ókilderi sýısıd deńgeıi tómendep, bala ólimi kemı bastady dep oqý jylyn qorytyndylaǵan edi. Biraq, sońǵy aıda Merýerttiń oqıǵasy alǵashqy jaǵdaı emes. Esterińizge sala keteıik, osyǵan deıin Aqtóbe qalasynda mamyrdyń 29 kúni 17 jastaǵy boıjetken 8 qabattan sekirip ketken edi. 

«Nege mundaı jaǵdaılar oryn alýda? Nege qoǵamda qyzý talqy bolyp otyr. Óıtkeni, qoǵam bul ortaǵa aralasa bastady.Tipti ashyq aıta bastady. Osydan 5-6 jyl buryn bul taqyryp qozǵalmaıtyn. Azamattardyń búgingi tańda kózqarasy ózgerip keledi.Eger statısıkaǵa júginer bolsaq, mundaı oqıǵalar tómendep keledi»,- dedi Jasóspirimdermen jumys bólimi polısıasynyń basshysy, Áset Ospanov.

Óz ózine qol jumsaǵan boıjetkenniń bul qadamyn ata-anasy men muǵalimder túsinbeı dal bolýda. Al, jańa oqý jylyn synyptastary aldaǵy ýaqytta Merýertsiz bastaıtyn bolady. Sebebi, otbasy denesin jer qoınaýyna tapsyrdy.