Qytaıdyń CCTV6 ortalyq telearnasynyń túsirilim toby Qazaqstanda 14 kún bolyp qaıtty. Elimizdiń tabıǵaty men ekonomıkalyq damýynan habardar etetin jańa týyndy Qytaı eliniń ortalyq telearnasynan 2015 jyldyń naýryzynan bastap kórsetiletin bolady. Bul týraly Týrızm ındýstrıasy ulttyq qaýymdastyǵynyń prezıdenti Gaýhar Jeńisbek málimdegen.
QazAqparat jazǵandaı, China Movie Chanel ókilderiniń aıtýynsha, fılm bes epızodtan turady. Ár bólimniń uzaqtyǵy 20 mınýtqa sozylady. Bul bólimder «EKSPO-2017», Qazaqstan talǵamy, Uly Jibek jolymen, Qazaqstan halqy, kadr syrtyndaǵy dúnıe taqyrybyna arnalǵan. Qytaıdyń túsirilim komandasyn derekti fılmder rejıseri Nıno Vang bastap keldi. Qytaılyqtar Qazaqstannyń 7 qalasyndaǵy jáne Almaty oblysyndaǵy mádenı-tarıhı nysandarda bolyp qaıtqan.
CCTV6 arnasy Eýropada, álemde kórsetiledi. Olardyń aýdıtorıasy 850 mln. adamdy quraıdy. Bul fılm sheteldikterge Qazaqstannyń ómirin tanystyrady.
Qamshy-aqparat
