Venesýela Prezıdenti Nıkolas Madýro AQSH-ty ǵalamsharymyzǵa zıan keltirip otyr dep aıyptady. Ol mundaı málimdemeni el úkimetiniń federaldy keńesinde jasady, dep habarlaıdy bnews.kz. Onyń aıyptaýyna sebep, AQSH munaıdy gıdravlıkalyq jarý (frekıng) tásilimen óndirip otyr.

«Venesýela AQSH-tyń mundaı ádispen munaı óndirýine túbegeıli qarsy. Qazir onsyz da álemdik naryqta munaı shekten tys kóbeıip ketti, bul birinshi kezekte munaı baǵasynyń arzandaýyna ákep soǵady. AQSH osylaısha Reseı men Iran ekonomıkasyna edáýir zıan keltirýdi kózdep otyr», - degen óz sózinje Madýro.

Jaqynda OPEK-ke múshe memleketter shuǵyl otyrys ótkizip, munaı naryǵyn retteý máselesin talqylamaq. Qazan aıynyń ortasynda kanadalyq mýzykant ári rejıser Nıl Iang AQSH prezıdenti Barak Obamaǵa ımpıchment jarıalaýdy usynǵan edi. Onyń aıtýynsha, Amerıka basshysy gıdravlıkalyq jarý tásilimen munaı óndirip, qorshaǵan ortaǵa nemquraıdy qarap otyr. Sol sebepti ony osy áreketi úshin jumysynan bosatý kerek degen bolatyn. Jýyrda Amerıka ǵalymdary anyqtaǵanyndaı, gıdravlıkalyq jarý tásilimen munaı óndirý ártúrli tabıǵı katklızmderge ákep soǵady. Naqtyraq aıtsaq, frekıngti qoldanýdyń kesirinen 2013 jyly Ogaıoda kóptegen jer silkinisi boldy.

Qamshy-aqparat