Aty ańyzǵa aınalǵan Djekı Chan Qazaqstanǵa ushyp keldi, de habarlaıdy Qamshy aqparattyq agenttigi.  Bul týraly «Qazaqstan» Respýblıkalyq Teleradıokorporasıasy AQ basshysy Erlan Karın óziniń Instagram paraqshasynda jazǵan bolatyn.

Áıgili akterdi Astana ákimi Áset Isekeshev áýejaıdan ózi kútip aldy.

2017 jyldyń 7-18 maýsym aralyǵynda Astanada Qazaqstan-Qytaı kınofestıvali ótedi. 63 jastaǵy Djekı Chan Qazaqstanǵa osy sharaǵa qatysý úshin kelip otyr. Bul shara barysynda alty tolyqmetrajdy fılm, sonyń ishinde qytaı juldyzynyń "Kýng-fý Ioga"  fılmi de kórsetiledi. Uıymdastyrýshylardyń sózinshe, Chan fılm kórsetilimderine de qatysady.

Aıta ketsek, búgin Djekı Channyń qatysýymen Qazaqstandaǵy Qytaı kınosy festıvaliniń ashylý saltanaty bolady.

Sholýshy: Aıgerim TAÝBAI