Tergeý komıteti áleýmettik jelide bir top oqýshy qyzdardyń óz qurdastaryn aıaýsyz soqqyǵa jyqqan sáttegi vıdeosy paıda bolǵannan keıin tekseris jumystaryn júrgizýdi bastaǵan, dep habarlaıdy Qamshy aqparattyq agenttigi NTV arnasyna silteme jasap.

Máskeýlik bir top oqýshy qyzdar ózderiniń bir tanys qyzyna beseý bolyp jabylyp, ony aıaýsyz soqqyǵa jyqty. Vıdeoda kórinip turǵandaı atalmysh oqıǵa oryn alǵan jerde basqa da qyzdar turǵan, sonymen qatar, bireýleri olardy vıdeoǵa túsirip turǵan.

Baqylap turǵandar soqqyǵa jyǵylǵan qyzǵa bolysýdyń ornyna, kerisinshe, odan saıyn qyzdarǵa «Ur! Tep!» dep uran tastaǵan.

Soqqyǵa jyǵylǵan qyz bar daýysymen «Toqtatyńdar boldy!» dep aıǵaıǵa salǵanymen, esh paıdasy bolmady.

Áleýmettik jeli qoldanýshylary soqqyǵa jyǵylǵan qyz ben aıaýsyz uryp-soqqan qyzdardy óz betinshe anyqtaýǵa tyrysty.

Sholýshy: Nazerke Labıhan