BUU Bas hatshysy Antonıý Gýterrısh Ortalyq Azıa elderine - Qazaqstan, Ózbekstan, Qyrǵyzstan, Tájikstan jáne Túrkimenstanǵa is-saparmen barady. Bul jaıynda BUU jańalyqtar ortalyǵy habarlaıdy, dep jazady Qamshy aqparattyq agenttigi.

8−9 maýsymda Gýterrısh Astanada bolyp, Qazaqstan prezıdenti Nursultan Nazarbaevpen kezdesip, Shanhaı yntymaqtastyq uıymynyń samıtine qatysady.

10 maýsymda BUU bas hatshysy Samarqanǵa baryp, Ózbekstan prezıdenti Shavkat Mırzıaevpen birge Turaqty damý jónindegi Ulttyq forýmnyń ashylýyna qatysady. Osy kúnniń ekinshi jartysynda Gýterrısh Qaraqalpaqstandaǵy Aral mańy aýdanyna barady. Onda ol Aral teńiziniń jaǵdaıyn tikushaqpen aralap kóredi.

11 maýsymda BUU basshysy Bishkekke baryp, Qyrǵyzstan prezıdenti Almazbek Atambaevpen kezdesedi. Odan keıin Oshqa baryp, 2010 jyldaǵy qaıǵyly maýsym oqıǵasyn eske alý sharasyna qatysady.

12 maýsymda Antonıý Gýterrısh Tájikstanǵa, 13 maýsymda Túrkimenstanǵa baryp, el prezıdentterimen kezdesedi. Dýshanbede ol turaqty damý jónindegi konferensıada sóz sóılep, Ashhabadta Ortalyq Azıadaǵy terorızmge qarsy kúres sharasyna qatysady.