8-9 maýsym kúnderine josparlanǵan SHYU samıti men 9 maýsymdaǵy «EKSPO – 2017» kórmesiniń ashylý saltanatyna Qytaı Halyq Respýblıkasynyń tóraǵasy Sı Szınpın arnaıy keldi. Osyǵan orı Qamshy aqparattyq agenttigi QazAqparat jarıalaǵan Sı Szınpınniń qazaq halqyna yqlasy týraly materıaldy usynady.
QHR Tóraǵasy Sı Szınpınniń Qazaqstanǵa jáne qazaq halqyna degen aıryqsha qarym-qatynasyna ákesi Sı Chjýnsúnniń (1913-2002) QHR Gansý ólkesi Aqsaı-Qazaq avtonomdy ýezi basshysynyń orynbasary bolǵan Saǵıdolla esimdi qazaqpen dostyǵy yqpal etýi múmkin.
QazAqparattyń Qytaıdaǵy menshikti tilshisi Sadyq Ákejanov Gansý ólkesine jasaǵan sapary barysynda jergilikti mýzeıdegi qazaq otbasy men Sı Sjýnsúnniń sýretine nazar aýdarǵan bolatyn. Mýzeıdiń jáne jergilikti partıa komıteti nasıhat bólimi qyzmetkerleriniń aıtýynsha, Sı Chjýnsún Qytaı Kompartıasy Ortalyq komıteti Soltústik-Batys búrosynyń hatshysy bolǵan kezinde, 1950 jyldary Aqsaı-Qazaq avtonomdy ýezin Gansýdyń Dýnhýan ýezinen bólek shyǵarý jumystaryna basshylyq jasap, onyń odan ary damýyn baqylaýda ustaǵan. Sol kezdegi Aqsaı-Qazaq avtonomdy ýezi bastyǵynyń orynbasary qazaq Saǵıdolla Gansý ólkesiniń ákimshilik ortalyǵy Lanchjoý qalasyna úsh ret baryp, Sı Chjýnsúnmen kezdesken. 1958 jyldyń 29 qyrkúıeginde Sı Chjýnsún kórshi óńirlerdi aralap júrip, tosynnan Aqsaıǵa kelgen jáne ol Aqsaı-Qazaq avtonomdy ýezin damytý máselesin arnalǵan jıyn ótkizgen. Túski astan keıin qoshtasar kezde Saǵıdollanyń otbasymen sýretke túsken. 2012 jyldyń 20 shildesinde QKP OK uıymdastyrý bólimi Aqsaı-Qazaq avtonomdy ýezi partıa komıtetiniń uıymdastyrý bólimine atalǵan sýrettiń túsirý jaǵdaıyn anyqtaý týraly tapsyrma bergen. Jaýap alynǵannan keıin QKP OK uıymdastyrý bólimi tarıhshylardan arnaıy top jasaqtap, Qytaı ortalyq televıdenıesiniń operatorlarmen Aqsaı qalasyna attandyrǵan. Olar Sı Chjýnsún týraly derekti fılm daıyndaý barysynda Saǵıdollanyń otbasy múshelerinen suhbat alǵan.
2013 jyldyń 13 qazanynda Sı Chjýnsúnniń jubaıy Sı Sınniń shaqyrýymen Saǵıdollanyń uly 58 jastaǵy Baqyt (sýrettegi anasynyń qolyndaǵy bala) QHR Tóraǵasy ákesiniń 100 jyldyq mereıtoıyna arnalǵan sharaǵa qatysyp, onyń anasynyń úıinde qonaqta boldy jáne qazaqtyń ulttyq kıimin syıǵa tartty.
«Búgingi Gansý» kúndelikti gazetiniń jazýynsha, (avtory Sú Sáoshan) Sı Chjýnsún ómiriniń sońǵy jyldarynda Aqsaı-Qazaq avtonomdy ýezine baryp, dosynyń otbasymen kezdesýge nıet tanytqan. Alaıda túrli sebeptermen bara almaǵan. Ómirimen qosh aıtysar aldynda ol áıeline Saǵıdollanyń ómiri men onyń otbasy jaǵdaıyn múmkindiginshe bilýdi ótingen. Endeshe, Sı Szınpınniń qazaq halqyna degen qurmeti áke qanymen berilgen shyǵar...
