Nú-Iorkte turatyn qazaq balasynyń vıdeosy jelide keńinen taralýda, dep habarlaıdy Qamshy aqparattyq agenttigi.  Dımash Nıazov Nú-Iorkte polısıa bolyp qyzmet atqarady.

Vıdeoda óziniń Qazaqstanda týyp, 8 synypqa deıin Shymkent qalasynda ata-ájesimen turǵanyn aıtty. Ákesi men anasy jumys babymen shet elge kóship ketken. Artynsha es bilgen soń, Dımash ta ata-anasynyń janyna keledi.

Nú-Iorkte turyp jatqanyna 13 jyl bolypty. Ákesi qurylys salasynda qyzmet etedi jáne jeke boksshylardy daıarlaıtyn mektebi bar. Dımash ta bokspen shuǵyldanady. Óziniń Shymkent qalasynda 6-7 jasynan bastap Qajymuqan stadıonynan bokspen shuǵyldanatynyn aıtty.

«Bul qalaǵa kelgen soń Qazaqstandaǵy jeke kýáligimdi alyp qoıdy. Sol cátte júregimniń bir bóligin julyp bergendeı boldym. Men – qazaqpyn!» dep óziniń júrek jardy oılarymen bólisti.

Óziniń kásipqoı boksshy ekenin aıtyp, kúndelikti daıyndyqtyń nátıjesinde jeńisterge degen senimin bildirdi. Óziniń jeke komandasy bar ekenin de tilge tıek etti.

Vıdeoda otandastarymyz G.Golovkın men Q.Islamnyń da atyn atap ótip, sporttaǵy jetistikterimen tanys ekenin kórsetti. Óziniń sport salasynda atalǵan tulǵalardyń sońynan kele jatqanyn baıqatty.

Daıyndaǵan : Aıgerim TAÝBAI