Kolýmbıa okrýgi men Merılend shtatynyń bas prokýrorlary AQSH prezıdenti Donald Trampty sotqa berdi, dep jazady Qamshy aqparattyq agenttigi. Olardyń aıtýynsha, Tramp korrýpsıaǵa qarsy zańnamany buzǵan kórinedi.

Bı-bı-sı jańalyqtarynyń málimetine súıensek, aryz berýshiler Tramptyń bıznesindegi sheteldik ınvestısıalardy memleket Konstıtýsıasyna qaıshy dep esepteıdi. Tramp prezıdent saılaýynda jeńiske jetkennen keıin, óziniń bıznesin saqtap qalatynyn málimdegen.

Tramp qańtar aıynda óziniń shetel ınvestorlarymen birlesken bıznes-aktıvterin uldary basqaratynyn, biraq ol istiń bárin óz qadaǵalap otyratynyn málimdegen.

Kolýmbıa okrýginiń bas prokýrory Karl Reısın men Merılend shtatynyń bas prokýrory Braıan Frosh Tramp AQSH Konstıtýsıasynda jazylǵan "Qurama Shtattardyń laýazymdy qyzmetinde jumys isteıtin memlekettik sheneýnik Kongrestiń ruqsatsynsyz shetel basshylarynan ne hanzada, korólderinen qandaı da bir syılyq, qyzmet ne mártebe ala almaıdy" degen babyn buzyp otyr deıdi.

Basym kópshiligi respýblıkalyqtar bolyp sanalatyn AQSH Kongresi Tramptyń bıznesimdi satpaımyn degen málimdemesine mán bermegen. Prokýrorlar bolsa, ózderiniń shaǵymdary boıynsha tepe-teńdikti saqtaýǵa tyrysatyndaryn aıtady.