AQSH-tyń 10 jastaǵy turǵyny Ebbı Farko deni saý bolyp ómir súrýdiń ne ekenin biraz ýaqytqa deıin sezine almady. Ol 4 jasynda leıkemıa atty aýrýǵa shaldyqty.  Sol kezden beri kóptegen aýrýlarmen kúresip keledi.

Sol kezdiń ózinde-aq  dárigerler balanyń tiri qalý múmkindigi bar bolǵany 20% dep ata-anasyn shoshytqan bolatyn. Ebbıge birneshe operasıa jasaldy. 6 jasynda aýrýynan aıyǵyp, deni saý balalardyń qataryna qosylǵan bolatyn. Ol ózge balalar sekildi mektepke bara bastady, tipti fýtbolmen de aınalysty.  Alaıda onyń aýrýy odan da qıyn jolmen qaıta aınalyp keldi. Ol qaterli isik aýrýyna shaldyqty.  Onyń aýrýy tipti aýyr bolǵan edi.

«Ebbı qozǵala almady, qozǵalǵan kezde ol qatty qınaldy»,- dedi Ebbıdiń anasy Pettı.

2 jyldan keıin onyń mıyna taǵy da operasıa jasaldy.  Osy kezde oǵan shuǵyl túrde donor olatyn aǵza qajet boldy. Biraz kúnnen keıin  Ebbıdiń búıregi isten shyqty.  Dárigerler ózge terapıalyq bólimge jatqyzyp, ata-anasyna 48 saǵattan keıin balanyń aýrýǵa shydamaı, qaıtys bolatynyn aıtqan.

Barlyq otbasy Ebbıdiń bólmesine jınalyp, onymen qoshtasa bastaıdy. Osy sátte ǵajaıyp oqıǵa oryn alady. Ebbı kózin ashyp, «Men bul ómirde biraz dúnıeni iske asyrýym kerek», - dep aıtady. Osy sózinen keıin Ebbı aýrýynan aıyǵa bastaıdy. Dárigerler tańǵajaıyp qubylysty ǵylymmen túsindire almady. Osy sátten bastap Ebbı júrip, tipti júgire alatyn kúıge jetti.  Qazir ol kúnine 2 ret dári qabyldaıdy. Onyń aýrýy qaıtadan asqynyp kelý qaýpi de joq emes, alaıda barlyq otbasy Ebbıdiń árbir sekýndyn qýanyshqa toltyrýǵa tyrysady. 

Aýdarǵan: Ásel Óteshova