Respýblıkashyl kongresmen Stıv Skalız Aleksandrıa qalasyndaǵy atysta jaralandy dep habarlaıdy Qamshy aqparattyq agenttigi. Atys jasaǵan adamnyń ózi aýyr jaraqattanyp, aýrýhanada kóz jumdy.
Fox News telearnasy senator Maık Lıge silteme jasap oq Skalızdiń jambasyna tıgenin jáne eki polıseı men kongresmenniń kómekshisi jaralanǵanyn habarlady.
Polısıa 5 adamnyń zardap shekkenin rastady. Onyń ishinde atys jasaǵan adam da bar.
AQSH prezıdenti Donald Tramp Tvıtterde Stıv Skalızdiń jaraqaty ómirge qaýip tóndirip turmaǵanyn habarlaǵan.
Shabýyldyń maqsaty týraly polısıa áli eshteńe aıtpady. 15 maýsymǵa josparlanǵan senator men respýblıkashyldar arasyndaǵy ótetin beısboldan jarys aldynda kongresmender men senatorlar jattyǵyp jatqan ýaqytta atys bastaldy.
Oqıǵa oryn alǵan kezde kórshi beısbol alańynda bolǵan kongresmen-respýblıkashyl Morrıs Brýks Sı-en-en-ge shabýyldaýshy vıntovkadan atqanyn jáne 50-den 100 márte oq atqanyn habarlaǵan. Ol shabýyldyń kezdeısoq emes aldyn-ala josparlanǵanyna senimdi ekenin aıtady.
«Adamdar munda respýblıkashyldardyń beısbol komandasy jattyǵatynyn biledi. Bizdiń ol jerde oınaıtynymyz qupıa emes» dedi Brýks.
Kýágerlerdiń áleýmettik jelige jazǵany boıynsha, oqıǵa ornyna kelgen polısıa ókilderiniń qarasy qalyń.
Sholýshy: Ásem Álmuhanbet
