Almaty - Bishkek tasjolynyń 118-shi shaqyrymynda bolǵan jol apatynan eki adam qaza tapty, - dep habarlaıdy Qamshy aqparattyq agenttigi Tengrinews.kz saıtyna silteme jasap.
Búgin túnde, saǵat shamamen 1:30-da Mitsubishi Galant pen júk tıelgen kólik soǵysty. Jeńil kólik onyń astyna kirip ketken. Betpe-bet soǵysqannan keıin Mitsubishi jolaýshysy men júrgizýshisi oqıǵa ornynda qaza tapqan.
Júk kóliginiń júrgizýshisi aman qaldy. Keıin kólikter órtene bastaǵan. Órtti sóndirý múmkin bolmaǵan. Oqıǵanyń vıdeosy Jelide taraldy. Kadrlardan kýágerlerdiń órtti sóndirmek bolǵanyn kórýge bolady.
"Osy derek boıynsha QR Qylmystyq kodeksiniń 345-babynyń 4-bóligi boıynsha ("Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy") sotaldy tergeý bastaldy. Qajetti saraptamalar taǵaıyndalǵan qylmystyq is oblystyq Anyqtaý basqarmasynyń óndirisinde", - dedi Almaty oblystyq İİD ókilderi.
