"Kanelo" - Golovkın jekpe-jegi 16 qyrkúıek kúni T-Mobile Arena arenasynda ótedi.

Qazaqstandyq kásibı boksshy Qanat Islam orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (37-0, 33 KO) men meksıkalyq Saýl "Kanelo" Alvres (49-1-1, 34 KO) arasynda ótetin jekpe-jekke boljam jasady, - dep habarlaıdy Qamshy aqparattyq agenttigi Vesti.kz-ke silteme jasap.

"Meniń oıymsha Golovkın jeńiske jeteji. Oǵan sáttilik tileımin. Golovkın - álemdik juldyz, biz onyń artynan erip, bilmegenimizdi úırenip júrmiz. Biraq ol úshin bul jekpe-jek ońaıǵa soqpaıdy. Menińshe kezdesý 12 raýndqa sozylady, - dedi Qanat Islam Astanada baspasóz konferensıasynda.

Aıta keteıik, eki boksshy arasyndaǵy jekpe-jek Las-Vegasta (AQSH, Nevada) ótetini resmı túrde jarıalandy. "Kanelo" - Golovkın jekpe-jegi 16 qyrkúıek kúni T-Mobile Arena arenasynda ótedi.

Saýl Kanelo Alvareske qarsy jekpe-jekte Gennadıı Golovkın orta salmaqta WBC, WBA (Super), IBF jáne IBO chempıondyq ataqtaryn qorǵaıdy. Meksıkalyq "The Ring" jýrnalynyń belbeýin báske tigedi.
Sholýshy: Aıgerim Taýbaı