Aqtóbede  qyz alyp qashý barysynda kóshedegi jolaýshylar qyzdy qutqaryp qaldy. Qyzdy urlamaq bolǵan jigitterdiń biri qyzǵa úılengisi kelgen. Alaıda ol ekeýi bir-birin múldem tanymaıdy.

Bul týraly Qamshy aqparat agenttigi Dıapazon-ǵa silteme berip habarlaıdy.

Ortalyq bazar mańyna kelgen eki jigit  kúshtep qyzdy kólikke otyrǵyzbaq bolady. Saǵat keshki altyda bolǵan bul jaıt kópshiliktiń kózinshe oryn alǵan. Kýágerler boıjetkendi qutqaryp qalyp, polısıa shaqyrtady.  

Qamaýǵa alynǵan jigitter 21 jastaǵy Hromtaý turǵyndary ekeni anyqtaldy. Jigitterdiń biri boıjetkenge úılengisi kelgen eken. Jas jigitter eski salt boıynsha, úılený nıetinde qyzdy alyp qashpaq bolǵandaryn jetkizdi.

Al 20 jastaǵy stýdent qyz jigittermen múldem tanys bolmaı shyqty. Al jigitterdiń qyzdy bilip, bilmeıtini áli beımálim bolyp otyr.

Al boıjetken bul toıǵa óz kelisimin bermedi. Polısıa qyzmetkerleriniń málimetinshe, eki jas jigittiń ústinen «Adam urlaý» boıynsha is qozǵalýda.

Sholýshy: Aıgerim Taýbaı