Aýǵanstandaǵy talıbter urlap áketken amerıkalyq pen avstralıalyq eki azamattyń óz elderinen ózderin bosatýǵa kómektesýdi jáne tutqyn almasý týraly kelissóz ótkizýdi suraǵan beınejazbasyn jarıalady. Bul týraly Qamshy aqparattyq agenttigi Azattyqqa silteme jasap habarlaıdy.

Amerıkalyq azamaty, Kabýldaǵy Amerıka ýnıversıtetinde dáris beretin Kevın Kıng pen onyń áriptesi, avstralıalyq Tımotı Ýıksdi ótken jyly ýnıversıtet aýmaǵynan urlap áketken. Talıbterdiń málimdeýinshe, vıdeo jazba 16 maýsymda túsirilgen. Vıdeoda eki er adam kamerada úndeý jasap, ózderin bosatý úshin tutqyndaǵy talıbterdi qaıtarýdy suraıdy.

Osyǵan uqsas vıdeo bıyl qańtar aıynda da paıda bolǵan. AQSH bıligi qazir Aýǵanstanǵa qatysty jańa strategıasyn daıyndap jatyr. Onda boljam boıynsha Aýǵanstandaǵy amerıkalyq ásker sanyn 3-5 myń adamǵa deıin kóbeıtý qarastyrylmaq.

Ótken jyly qyrkúıekte kepildegilerdi bosatýǵa áreket jasalǵan edi, biraq arnaıy operasıa júrgizilgen jerde olar bolmaı shyqqan.

Adam urlaý - Aýǵanstandaǵy úlken problema. Kisi urlaýda kóbinese aýǵandyqtar qurban bolady. Kisini kóbinese aqsha talap etetin bandıttik toptar urlaıdy. Keıbir toptar ózderiniń saıası maqstayna jetý úshin sheteldikterdi de urlaıdy.

Sholýshy: Aıgerim Taýbaı