Stambýl qalasynda avtobýsta otyrǵan bir jigit qysqa shorty kıgen qyzdy eldiń kózinshe soqqyǵa jyqty, dep habarlaıdy Qamshy aqparattyq agenttigi jergilikti BAQ-qa silteme jasap.

Stambýldyń 21 jastaǵy turǵyny Asena Melısa Saglamǵa avtobýsta ashyq-shashyq kıingeni úshin bir jigit tap bergen.

Derekterge sáıkes, oqıǵa Pendık aýdanynda 21 maýsym kúni bolǵan jáne de ol avtobýs salonynda ornatylǵan beınebaqylaý kamerasyna túsip qalǵan.

Zardap shegýginiń aıtýynsha, Qyzylatesh atty jigit boıjetken avtobýsqa mine salysymen tap bergen.

«Ol kúni men aq shorty kıip otyrǵan bolatynmyn. Ol meniń artymdaǵy oryndyqta otyrdy. Avtobýsqa mine salysymen maǵan: «Ramazan aıynda osylaı kıinýge bolady ma? Uıalmaısyń ba?» dedi. Men oǵan qaramastan «Al, sen qarama!» dep jaýap berdim. Al ol bolsa «Seniń búkil jeriń ashyq tur, qalaı kóziń túspeıdi. Sondyqtan da qarap otyrmyn» dedi. Men úndemedim. Kenetten bireý betimnen uryp jiberdi. Qarasam artqy oryndyqta otyrǵan sol jigit eken, avtobýstan túsip bara jatyp meni uryp ketip bara jatyr. Oǵan tap bergenimde, basymnan uryp, jerge qulatty. Ornymnan turǵansha ol ketip qaldy», - deıdi boıjetken.

«Mundaı kıimder adamdardy azǵyryp, jaman oıǵa jeteleıdi», - dep Erdjan Qyzylatesh avtobýsta otyrǵan Asena Melısa Saglamnyń ózine qarsy sotqa aryzdandy.

Sholýshy: Nazerke Labıhan