Alda kele jatqan Oraza aıt merekesiniń qurmetine Máshhúr Júsip ortalyq meshitiniń aldynda «Oraza aıt - berekeli mereke» atty dinı shara uıymdastyrylady, dep habarlaıdy Qamshy aqparat agenttigi pavlodarnews.kz málimetine súıenip.
QMDB Pavlodar oblysy boıynsha jastar isi bóliminiń meńgerýshisi Aıbek Oralhannyń aıtýynsha, bıylǵy Aıt namazy barlyq meshitterde 25-maýsym, jeksenbi kúni tańǵy 6:30-da oqylady. «Oraza aıt - berekeli mereke» atty aýqymdy dinı mereke ortalyq meshit aýlasynda saǵat 14:00-de bastalyp, 18:00-ge deıin jalǵasady.
- Meshit aýlasynda balalar men jasóspirimderge arnalǵan is-sharalar kóptep uıymdastyrylmaq. Atap aıtar bolsaq, balalarǵa arnalǵan oıyn batýttary ornatylady. Sonymen qatar, Quran oqý, din týraly suraq-jaýap jáne Iláhı óleń-jyr aıtýdan jarystar uıymdastyrylady. Al, eresek adamdar arasynda gir tasyn kóterý, qol kúresi, arqan tartý, qazaq kúresi syndy ulttyq sport túrlerinen saıys júrgiziledi. Maqsatymyz – Ramazan aıtynyń qoǵamda keńinen nasıhattaý jáne jasóspirimderdi jyl saıyn asyǵa kútetindeı dárejege jetkizý. Jylyna bir ret keletin qasıetti dinı merekeni tamashalaımyn, jarystarǵa qatysamyn deýshilerge esigimiz ashyq. Bul kúni merekege jınalǵan jurtshylyqqa 15 qazan palaý jáne tandyr nan tegin taratylady, - deıdi Aıbek Oralhan.
Sondaı-aq, osy kúni meshit aýlasyna jınalǵan balalarǵa jergilikti kásipkerler men jamaǵattardyń demeýshilgimen túrli kádesyılar, oıynshyqtar tabystalsa, sporttyq jarystarda óner kórsetken azamattarǵa dastarhan jaıylyp, qazaqtyń ulttyq taǵamdarynan dám beriledi. Bıylǵy merekeni uıymdastyrýǵa jergilikti demeýshilermen qatar, oblys ortalyǵyndaǵy meshitter de atsalysýda.
Sholýshy: Aıgerim Taýbaı
