Qazir jyl saıyn 400 myńnan artyq sábı dúnıe esigin ashady. Halqymyz 1 shildede 18 mln bolady dep jarıalaımyn. Bul týraly Táýelsizdik saraıynda ótip jatqan dúnıejúzi qazaqtarynyń V quryltaıynda Memleket basshysy Nursultan Nazarbaev málimdedi, dep habarlaıdy Qamshy aqparattyq agenttigi Baq.kz tilshisine silteme jasap.

Elbasy aldymen táýelsizdik alǵan tusta eldegi demografıalyq jaǵdaı óte aýyr bolǵanyn atap ótti.

«1991 jyly men táýelsizdik jarıalaǵan kezde qazaqtyń úlesi 40%-ten asar-aspas bolatyn. Sondaǵy oılanǵan nárse saılaýǵa túsken kezde qansha daýys alar edim dep qınaldym. Qazir qazaqtyń sany 70% asty», - dedi ol.

Keıin Qazaqstan prezıdenti jaǵdaıdyń jaqsara bastaǵanyn alǵa tartty. Onyń aıtýynsha, 1 shildede halyq sany 18 mln-ǵa jetýi múmkin.

«Táýelsizdik alǵan kezde 17 mln halyq bolǵan. Degenmen túrli tarıhı jaǵdaıǵa baılanysty elimizge qonystanǵan basqa ult ókilderi ózderiniń atamekenine kóship ketip, 14 mln bolyp qaldyq. Qudaıǵa shúkir, qazir jaǵdaıdyń jaqsarýyna baılanysty elimizdegi halyq sanynyń kóbeıýi artyp keledi. Egerde bastapqy kezde 200 myńnan astam bala dúnıege keletin bolsa, qazir jyl saıyn 400 myńnan artyq sábı dúnıe esigin ashady. Bizdiń halqymyz 1 shildede 18 mln bolady dep jarıalaımyn», - dedi Elbasy.

Sholýshy: Gúlim Jaqan