24 jastaǵy Ablaı Sýleımenov Mańǵystaý turǵyny. 22 maýsym kúni saǵat 11:40-ta aýrýhanaǵa- ortasha jaǵdaıda túsken.  Er adamdy aǵyspen teńizge alyp ketken. Ony ırandyq keme ekıpajy kórip qalǵan. Qatty shóldegen gıportermıaǵa shaldyqqan ony Mańǵystaý oblystyq aýrýhanasyna jetkizgen. Bul týraly Qamshy aqparattyq agenttigi "Lada" gazetine silteme jasap habarlaıdy.

-Aýrýhanaǵa túskende ol jansaqtaý bóliminde jatty. Dene qyzýy  32 gradýsqa deıin tústi. Uzaq ýaqyt sý, tamaq ishpegen soń keýde tusyndaǵy aýrýǵa shaǵymdanǵan.  Qazir jaǵdaıy jaman emes. Kelesi aptada aýrýhanadan shyǵaramyz-deıdi  aýrýhananyń travmotologıa bóliminiń meńgerýshisiniń orynbasary Eset Shahatbaev.

Maýsymnyń 18-nen 19-na qaraǵan túni Ablaı teńizde júzip qaıtpaqshy bolady. Ablaıdy teńiz aǵyny alyp ketken.

Qarańǵyda eshteńe kórmegen ol birneshe táýlik boıy júze bergen. Jaǵaǵa shyǵýdy maqsat etip júze bergen ol sáttiligine oraı, ırandyq kemege kezdesken.

Sholýshy: Nazerke MUSA