Chehıa memleketi tól valútasyn aýystyrýǵa daıyn. Bul týraly Qamshy aqparattyq agenttigi Segodná aqparattyq saıtynyń málimetine súıene otyryp habarlaıdy.

Chehıa úkimeti ulttyq valútasynyń ornyna evrony birińǵaı qoldanysqa engizýge daıyn ekendigin habarlady.  Bul aqparatty Chehıa ulttyq bankynyń tóraǵasy Iırjı Rýsnok málimdedi. Alaıda jergilikti STK agenttigine bergen suhbatynda   evrony aınalymǵa enbizbeı turyp  evropalyqtar men cheh turǵyndarynyń ortasha shyǵys esebin anyqtap  alý qajettigin  atap ótti.

Osyǵan deıin Cheh úkimeti  tól valútasyn  evroǵa almastyratynyn málimdegenimen naqty ýaqytyn  atap aıtpaǵan  bolatyn.  Qarjy mınıstrliginiń aıtýy boıynsha el ishinde evrony qoldaný mólsheri 60 %-dy qurap otyr.  Osydan jıyrma jyl buryn bul kórsetkish 35% shamasynda ǵana bolǵan.

Cheh turǵyndarynyń  jyldyq ortasha jalaqysy  2014 jylǵy statısıka boıynsha 345 tys. kron bolsa, joǵary jalaqy   930 tys. krondy kórsetken. Ulttyq bank basqarmasynyń statısıkalyq aqparattaryna júginsek 2016 jyly bul kórsetkish 2,5 %-ǵa kóterilgen.

Cheh turǵyndarynyń  úshten bir bóligi ortasha jyldyq jalaqymen ómir súretindigin alǵa tartqan qarjygerler  valútany evroǵa aıyrbastaý  el turǵyndaryna qıynshylyq týǵyzbaıtynyn  málimdedi.  

Sholýshy: Aqerke  Maratqyzy