Ahýaldyq ortalyq jáne 1414 Biryńǵaı baılanys ortalyǵy «Azamattarǵa arnalǵan úkimet» memlekettik korporasıasynyń memlekettik qyzmetterdi kórsetý sapasyn úzdiksiz baqylap otyrady dep habarlaıdy Qamshy aqparattyq agenttigi.
Kún ótken saıyn sapaly servıske degen qajettilik artyp keledi, árdaıym tabysty bolý úshin kez kelgen uıymnyń jumysynda klıentke baǵdarlanýshylyq birinshi kezekke shyǵady. Qyzmet sapasyn baqylaý maqsatynda, «Azamattarǵa arnalǵan úkimet» birqatar mehanızmderdi ázirledi.
Zamanaýı jáne áreketti quraldardyń biri ahýaldyq taldaý ortalyǵy bolyp tabylady. Zamanaýı ortalyq onlaın rejıminde beıne-monıtorıng júrgizý, memlekettik korporasıanyń jumyskerlerine keńes berý kómegin kórsetý jáne sybaılas jemqorlyq belgilerin joıý úshin qajetti jabdyqtarmen jabdyqtalǵan. «Azamattarǵa arnalǵan úkimettiń» ahýaldyq ortalyǵynyń jıyrma jumyskeri elimiz boıynsha memlekettik qyzmetterdi kórsetý sapasyn baqylaı otyryp, árdaıym halyqqa qyzmet kórsetý ortalyqtaryna beınebaqylaý júrgizip otyrady. Búgingi tańda ahýaldyq ortalyqqa memlekettik korporasıanyń barlyq halyqqa qyzmet kórsetý ortalyqtary qosylǵan. Sonymen qatar ahýaldyq ortalyq shalǵaıdaǵy aýyldyq aımaqtarǵa qyzmet kórsetetin mobıldik HQKO-lardyń jumysyn baqylap, naqty ýaqyt rejıminde olardyń geolokasıasy men júris baǵdaryn anyqtaıdy.
«Ortalyq mamandary naqty ýaqyt rejıminde tańǵy saǵat 8-den keshki saǵat 8-ge deıin front-ofıstiń barlyq is-sharalaryna baqylaý júrgizedi jáne, qajet bolǵan jaǵdaıda, fılıaldyń tıimdi jumysyn qamtamasyz etý úshin jedel túrde qyzmetkerlermen habarlasaalady. Mysaly, eger azamatqa qyzmet sapasyz kórsetilgen bolsa, HQKO-da turyp-aq 1414 nómiri boıynsha qońyraý shalýyna bolady, ahýaldyq ortalyqtyń mamandary qońyraý shalýshyny kamera arqyly anyqtaıdy jáne ony kózben egjeı-tegjeıli baqylaı otyryp, jedel túrde shaǵymnyń mán-jaıyn anyqtap qana qoımaı, qyzmettiń sońǵy nátıjege deıin jetýin qadaǵalap, sebepterin joıý úshin sharalar qabyldaıdy. Sońǵy qaıta qurylymdaý barysynda ortalyqtyń mańyzdylyǵyn eskere otyryp, biz ahýaldyq ortalyq jumyskerleriniń sanyn 20 adamǵa deıin arttyrdyq, al qazir jer kadastry bólimderin jáne jyljymaıtyn múlikti tehnıkalyq tekserý jáne áleýmettik tólemderdi vedomstvo aralyq esepteý ortalyqtaryn beınebaqylaýǵa qosa otyryp, ahýaldyq ortalyqty jańǵyrtýdy josparlap otyrmyz», - dep túsindirdi Memlekettik korporasıanyń Basqarma tóraǵasynyń orynbasary Ásemgúl Baltasheva.
Eger adam memlekettik kórsetiletin qyzmetti alǵan kezde oǵan durys keńes berilmedi nemese kezek kútý ýaqyty qajetti ýaqyttan asyp ketti, nemese memlekettik korporasıanyń jumyskeridórekilik kórsetti dep sanasa, ol 1414 biryńǵaı baılanys ortalyǵyna habarlasa alady.
«Negizsiz bas tartýlar, qyzmetkerlerdiń dórekilik kórsetýi nemese qyzmettiń uzaq ýaqyt kórsetilýi boıynsha barlyq máselelerdiahýaldyq ortalyq arqyly tez sheshýge bolady. Biz máseleni tez arada sheshý úshin sharalar qabyldaımyz jáne bizge kelýshiler aldaǵy ýaqytta qyzmetti jyldam jáne sapaly túrde alatyn bolady. «Keri baılanys» úshin biz árdaıym daıynbyz jáne kórsetiletin qyzmetterdi alýǵa kelgen adamdarǵa qýana kómek kórsetemiz jáne ózimizdiń jumysymyzdyń álsiz jaqtaryn túsinip, túzetýge tyrysamyz, - dedi Ásemgúl Baltasheva.
«Mysaly, jaqynda kórsetilgen qyzmet úshin berilgen tómen baǵaǵa renjigen Taldyqorǵan HQKO ınspektoryklıentke dórekilik tanytyp, oǵan odan ári qyzmet berýden bas tartqan. Baılanys ortalyǵyna shaǵym túsip, ahýaldyq ortalyqtyń qyzmetkerleri dereýjaǵdaıdyń mán-jaıyn túsinip, áıel azamatqa tolyq kólemde qyzmet kórsetilýin qadaǵalady. Árıne, kináli qyzmetker tártiptik jazaǵa tartyldy», - dep qosty Ásemgúl Serikqyzy.
1414 Biryńǵaı baılanys ortalyǵy – bul qyzmet sapasyna shaǵymdanýdyń jalǵyz joly emes. Www.facebook.com/gos.corporation jáne www.instagram.com/gos_corp áleýmettik jelilerinde «Azamattarǵa arnalǵan úkimet» resmı akkaýnttary arqyly qyzmet kórsetý sapasy máseleleri boıynsha túsken árbir shaǵymǵa qatysty ár faktige shuǵyl túrde tekseris júrgiziledi jáne shaǵymdanǵan paıdalanýshylarǵa oryn alǵan jaǵdaı boıynsha egjeı-tegjeıli jaýap usynylady. Shaǵymdar men ótinishter «Azamattarǵa arnalǵan úkimetke» Memlekettik korporasıanyń ınternet-resýrsynda Basqarma tóraǵasynyń blogy arqyly da túsedi, ondaǵy bir de bir qujat qaraýsyz qaldyrylmaıdy.
Sonymen qatar HQKO-larǵa apta saıyn eshbir eskertýsiz qarapaıym qyzmet alýshylar keıpinde «jasyryn satyp alýshylar» kelip turady. Ásemgúl Baltashevanyń aıtýynsha, mundaı tekserister memlekettik qyzmetterdi kórsetý barysyndaǵy «osal jerlerdi» anyqtaýǵa kómektesedi, ol keleshekte HQKO ınspektorlaryn oqytýǵa múmkindi beredi. «Jasyryn satyp alýshylar» HQKO-larǵa kelgen kezde barlyq kemshilikterdi tirkep, ol boıynsha egjeı-tegjeıli esep daıyndaıdy, onyń negizinde biz front-ofısterdiń basshylaryna usynymdar beremiz. Mysaly, keńes berý kezinde mamandar qandaı da bir qyzmetti kórsetý boıynsha aqparat bere almasa, mentorlar jumyskerlerge jumys oryndarynda oqytý sabaqtaryn júrgizedi», - deıdi Baltasheva.
Mentorlyq ınstıtýt halyqqa qyzmet kórsetý ortalyqtarynda 2011 jyldan bastap jumys istep keledi. MentorlarǵaHQKO jumyskerleriniń ishinen úzdikteri tańdalady. Ádette, memlekettik qyzmet kórsetý júıesindegi olardyń eńbek joldary qarapaıym ótinishterdi berýden bastalady, odan keıin jumys tájirıbesi men ótili arta kele, osy qyzmetkerler óz áriptesterin oqyta alatyn bolady. Búgingi kúni HQKO departamentterinde 44 mentor jumys isteıdi jáne jaqyn arada olardyń sany aıtarlyqtaı ulǵaıatyn bolady.
