Ońtústik Qazaqstan oblysynda óziniń 4 jasar ulyn býyndyryp óltirmek bolǵan 24 jastaǵy áıelge úkim shyqty. Bul týraly Qamshy aqparattyq agenttigi Otyrar jańalyqtaryna silteme jasap habarlaıdy. 

Sotty bolǵan Tursynova balasy aýyr naýqas bolǵandyqtan, ony azaptan qutqarǵysy kelgenin aıtyp aqtaldy. Alaıda tergeý jumystary adam shoshyrlyq bul jaǵdaıdyń múldem basqa sebebin anyqtady.

Aýdanaralyq qylmystyq sot Shymkent turǵynyn óz balasyn qasaqana óltirýge tyrysqany úshin (ol isin sońyna deıin apara almaǵan) kináli dep tapty. Áıel 11 jyl 3 aıǵa túrmege qamaýǵa otyrǵyzyldy.

Tergeý barysynda ananyń aqyl-esi durys ekeni anyqtaldy.

2016 jyly Tursynoıdyń 3 jastaǵy uly alǵash ret aýrýhanaǵa túsken. Sodan  bastap aýrýhanaǵa jıi túsetin bolǵan.

«Búldirshinde ıshemıalyq ınsýlt boldy, alaıda genezdi anyqtaı almadyq. Anasynyń aıtýynsha, túngi ýaqytta onyń tyryspasy ustap qalatyn. Ony emdedik, alǵashqyda jan saqtaý bóliminde boldy, keıin bólimge aýystyrdyq. Tolyq jazylǵannan keıin úıine jiberdik», – deıdi №1 aýrýhananyń bólim meńgerýshisi Marına Valıeva.

Alaıda biraz ýaqyttan keıin mı ıshemıasyna shaldyqqan bala qaıtadan jan saqtaý bólimine túsedi. Alaıda dárigerler odan ustamaly aýrýdy baıqamaǵan.

Bıylǵy jyldyń qańtar aıynda aýrýhanada adam shoshyrlyq jaǵdaı oryn aldy. Kórshiles palatada jatqan naýqas Tursynoıdy balasyn býyndyryp jatqan jerinen ustap alǵan. Ol Tursynoıdy ıterip jiberip, dárigerler men mebdıkelerdi shaqyrtqan. Al olar óz kezeginde polısıa shaqyrǵan.

Tártip saqshylary bezbúırek anany birden alyp ketti. Al dárigerler tańǵa deıin búldirshinniń janynda bolǵan.

Birinshi sot ınstansıasynan keıin kúdikti jazany jeńildetý týraly aryz jazdy. Qazirgi ýaqytta oblystyq sot taǵy bir saraptama taǵaıyndady. Sebebi áıeldiń aqyl-esiniń durys ekenine eshkim senbeıdi.

Aıta keterligi, Tursynoıdyń ekinshi perzenti – qyzy shamamen jarty jyl buryn ıshemıadan kóz jumǵan.

Sholýshy: Aıgerim Taýbaı