AQSH prezıdenti Donald Tramp pen Reseı Federasıasy basshysy Vladımır Pýtın Germanıada ótetin G20 samıtinde kezdesedi. Bul týraly Qamshy aqparattyq agenttigi RIA Novostı aqparattyq saıtynyń málimetine súıene otyryp habarlaıdy.

Atalmysh aqparatty jýrnalıstermen ótken brıfıńte aq úıdiń ókili Shon Spaıser málimdedi.

Eki el  basshylarynyń  G20 samıti aıasynda ótetin kezdesýi jaıynyda aıta otyryp, «Eki el arasyndaǵy  ortaq máseleni sheshý Reseı prezıdentiniń áreketine baılanysty bolmaq», - dep atap ótti Shon Spaıser. Sondaı-aq, Vashıngton Máskeýmen múmkindiginshe yntymaqtastyqta bolatynyn  málimdedi.

Sol kúni Reseı Federasıasynyń baspasóz hatshysy Dmıtrıı Peskov eki el basshylary arasyndaǵy kelissózge áli daıyn emes ekendigin málimdedi.  Prezıdent kómekshisi Iýrıı Ýshakov Pýtın men Tramptyń arasyndaǵy kelissózderge qatysty naqty aqparat joq ekendigin alǵa tartty.

Osydan birneshe ýaqyt buryn Vladımır Pýtın Amerıkalyq rejıser Olıver Stoýnǵa bergen suhbatynda AQSH prezıdentimen kezdesýge asyqpaıtynyn aıtyp ótken bolatyn. «Biz kúnderdiń kúninde kezdesentindigimiz anyq. Biraq ázirge asqpaımyz», - dep atap ótken bolatyn.

Esterińizge sala keteıik, Gambýrgte ótetin G20 samıti aǵymdaǵy jyldyń 7-8 shilde kúnderi ótedi. 

Sholýshy: Aqerke Maratqyzy