Aqmola oblysynyń Atbasar qalasynda burynǵy qalpyna keltirýge bolmaıtyn jáne sý kóp kelgen úılerdiń turǵyndaryna 11 úıdiń qurylysy bastaldy, dep habarlaıdy Qamshy aqparattyq agenttigi Atbasar aýdanynyń Baspasóz qyzmetine silteme jasap.  

26 maýysym kúni 1- móltek aýdanynyń aýmaǵynda jańa kópqabatty keshenderdiń alǵashqy qurylys jumystary bastaý aldy. Baspasóz - qyzmetiniń málimetinshe birinshi kúnnen-aq tehnıka men konteınerler ákelindi. Ekskavator birinshi qazanshuńqyr qazdy. Sol jerde geodezıster jumys júrgizip jatyr.

Eske sala ketsek, sý tasqyny kezinde  650 astam obekt zardap shekti. Sonyń ishinde 644 turǵyn úıler, Atbasar q. №1 orta mektebi, «Esil» qala syrtyndaǵy saýyqtyrý kesheni, kóliktik komýnıkasıalar.

Tekserilgen obektilerdiń 467 úı sarapshylarmen apattyq dep sanaldy, onyń ishindegi 36 qırap qaldy. 168 úı jóndeý jumystaryna jatady.

Aqmola oblysyniń ákimi Málik Myrzalın  Kókshetaý qalasynda ótken baspasóz – konferensıasy barysynda oblystyq búdjetten Atbasar aýdanyna tasqyn saldaryn joıý úshin 513 mıllıon teńge bólindi dep habarlady. Budan basqa, arnaıy ashylǵan qaıyrymdylyq esep shottan 30 mıllıon 500 myń teńge aýdaryldy.  

Sholýshy: Ásem Álmuhanbet