Jazdan bergi janar maı baǵasynyń josyqsyz óskeni jaǵamyzdy ustatsa da, jazǵandy «jazyqsyz» kinálaǵanymyz durys bolmapty. Benzın baǵasynyń kóterilgenin kúńkildep kóre almap edik, kóresine endi kórdik. Qazir qalaǵan baǵasyn usynsa da qalaǵan lıtrińdi tabý qıyn. Burynǵydaı «aqshań bolsa qaltańdaǵa» kónetin kez emes. Keı beketterdi tipti AI-92 markaly benzıni talonmen ǵana beriledi.

Statısıka boıynsha Qazaqstan suranysyn qanaǵatttandyrý úshin jylyna jalpy 2,8 mıllıon tonna benzın kerek eken, onyń tek 1,8 mıllıon tonnasyn ǵana ózimizde óndiriledi. AI-92 markaly benzıniniń tapshylyǵy jaz aılarynan bastap sezile bastaǵan bolatyn. Bul turaly Shkolnık myrza: « Ras, qazir AI-92 markaly benzınniń tapshylyǵy aıqyn sezilýde. Baǵany barynsha ustap turýǵa tyrystyq. Biz benzındi Reseı federasıasynan tasymaldaımyz. Qys aıynan beri Reseıde AI-90 markaly benzınniń baǵasy 160-170 teńgeni quraǵan bolatyn. Al biz 115 teńgeden satylymǵa shyǵardyq. Qazir 127 teńge. Bul alypsatarlyqpen aınalysatyn jekelegen kompanıalarǵa tıimsizdik týdyrǵasyn, olarda tasymaldaýyn toqtatty»-dep jaǵdaıdy barynsha tigisin jatqyza jetkizdi. Jaqynda Ázirbaıjan resbýlıkasy memlekettik SOCAR munaı kompanıasynyń prezıdenti Rovnag Abdýllaev Qazaqstandy benzınmen qamtamasyz ete alatyndyqtaryn málimdegen bolatyn. Bul sózdiń aqıqatqa aınalý prosesin kútý qansha ýaqytty qamtıtyny belgisiz. Bizdegi kemshilik óndiristen bólek shıkizat óńdeý kompanıalarynyń joqtyǵy, bar bolǵan kúnniń ózinde qajetimizdi óteı almaı jatqandyǵynda. Búginde qala kóshelerindegi kólik keptelisterine keshirimmen qaraısyń. Sebebi, janar maı beketteriniń kezeginde turǵandardyń qarasy kóbeıgen. Ázirbaıjannyń áli kelmese, asyl tuqymdy jylqy sharýashylyǵy men esekke suranys artaıyn dep tur.

Orynbasar Baqytbek