SHQO ákimi bolyp Eýrazıalyq ekonomıkalyq komısıanyń energetıka jáne ınfraqurylym jónindegi Mınıstri qyzmetin atqarǵan Danıal Kenjetaıuly Ahmetov taǵaıyndaldy, dep habarlaıdy SHQO Aqparattyq ortalyǵy.

 Danıal Ahmetov 2009 jyldan beri aımaqty basqarǵan Berdibek Saparbaevtyń  ornyna keldi. V shaqyrylǵan SHQO máslıhatynyń kezekten tys HHİİİ sesıasynda jańa basshyny aımaq aktıvine QR Premer-Mınıstri Kárim Másimov tanystyrdy.

Danıal Ahmetov 1976 jyly Pavlodar ındýstrıaldy ınstıtýtyn ınjener-qurylysshy mamandyǵy boıynsha bitirgen. Eńbek jolyn 1976 jyly «Pavlodar turǵynqurylys» tresinde master, aǵa prorab bolyp bastap, Ekibastuz qalalyq atqarý komıteti tóraǵasynyń orynbasary, «Ekibastuz energo-turǵyn úı óndiris qurylysy» tresiniń basqarýshysy qyzmetterin atqardy.

D. Ahmetov 1993-1997 jyldary Pavlodar oblysynyń ákimi, 1997—1999 jyldary SQO ákimi, 1999-2001 jyldary QR Premer-Mınıstriniń birinshi orynbasary qyzmetinde bolyp, 2001-2003 jyldary Pavlodar oblysynyń ákimi bolyp qaıtara taǵaıyndaldy. Sondaı-aq, 2003-2007 jyldary QR Premer-Mınıstri, 2007-2009 jyldary Qorǵanys Mınıstri qyzmetinde boldy.

SHQO eks-ákimi Berdibek Saparbaev Qazaqstan Respýblıkasynyń Premer-Mınıstriniń orynbasary qyzmetine taǵaıyndaldy.