«Qazaqstan – 2050» Jalpyulttyq qozǵalysy Elbasynyń «Bolashaqqa baǵdar: Rýhanı jańǵyrý» maqalasyna oraı «Men qoldaimyn» sharalar kesheniniń bastalýyn habarlaıdy. Sharalar kesheniniń aıasynda, Ulttyq akademıalyq kitaphanamen birlese otyryp «Qazaq kitaptary 1929-1940» atty kórmesi uımydastyrylady. Búgingi tańdaǵy basty máselelerdiń biri qazaq tilin latyn álipbıine aýdarý qajettiligi bolyp otyrǵandyqtan kórmege kelýshiler sany kúnnen kúnge artýda.

Kitap kórmesinde sırek kitaptar qorynan 1929 jyldan 1940 jyldar aralyǵynda latyn álipbıimen basylyp shyqqan qazaq zıalylarynyń shyǵarmalary, kórkem ádebıetter men balalarǵa arnalǵan kitaptar qoıylady. Onyń ishinde Abaı Qunanbaevtyń aýdarmalary men qara sózderi, óleńderi men poemalary, Muhtar Áýezov «Tartys», Ilás Jansúgirov «Kúıshi», Sáken Seıfýllın «Tar jol taıǵaq keshý», Beıimbet Maılın «Tolyq jınaq», taǵy basqa kóptegen kórkem ádebıetter men pesalary, sondaı-aq Pýshkın, Lermontov, Gogol jáne taǵy basqa orys klasıkteriniń kitaptary bar. Sonymen qatar jaqsy saqtalǵan sol kezeńderde basylyp shyqqan mektep oqýlyqtary da qoıylady.

Kúni: 14 shilde 2017 j.

Ýaqyty: 16.00

Ótkizilý orny: Ulttyq akademıalyq kitaphana, Astana qalasy, Dostyq k., 11 úı