Jambyl oblysynda ishkilikke salynǵan ulynyń áreketterine shydamaǵan áke ony óltirip tyndy. Bul týraly Qamshy.kz aqparat agenttgi Tengrinews.kz saıtyna silteme jasap habarlaıdy.

"Baızaq aýdanynda ákesi balasyn óltirdi, araq qumar balasy anasyna qol kóterýge deıin barǵan. 70 jastaǵa taıaǵan er adam soty bolmaı jatyp dúnıe saldy", - dedi Jambyl oblysynyń prokýrory Ernat Sybanqulov. 

"Ókinishtisi mundaı jaǵdaılar bolyp turady, barlyǵy araqtyń áserinen. Oblystyq esirtkidıspanseriniń esebinde 5 myńnan asa adam araqqa táýeldi retinde tirkelgen, ıaǵnı osynshama otbasynyń astan-kesteńi shyǵýy múmkin degen sóz. Men árbir azamattyń otbasylyq zorlyqqa beıjáı qaramaýyn suraımyn, basqa bireýdiń otbasy bolsa da, biz birigý arqyly mundaı áreketterdi toqtatamyz", - dedi ol. 

Oblystyq prokýratýra málimetinshe, 2016 jyly otbasylyq zorlyq saldarynan 24 qylmys jasalǵan, 2017 jyly osy kúnge deıin 8 qylmys tirkelgen. 

30 mamyrda Jambyl oblysynyń Sarysý aýdanynda mas er adam jaryna pyshaq urǵan. Sonymen qatar ol enesin de jaralaǵan. Der kezinde jetken qaıyn atasy kúıeý balasyn toqtatqan. Qazirgi ýaqytta er adam qamaýǵa alyndy jáne sotty kútip otyr. 

Taǵy bir jadaı Moıynqum aýdanynda tirkeldi. Mas kúıde mazasyn alǵan er adamdy áıeli óltirgen. Áıel adam sotty kútip otyr.

"Bas prokýratýranyń "Otbasyndaǵy zorlyq-zombylyqsyz Qazaqstan" jobasyn iske asyrý maqsatynda turmystyq zorlyq-zombylyq kórinisterin boldyrmaý jáne onyń aldyn alý jumystaryna taldaý jasalyp jatyr", - deıdi Jambyl oblysynyń prokýrory.