Otbasyndaǵy zorlyq-zombylyq bul - qazirgi bizdiń damyǵan qoǵamymyzdaǵy   kókeıkesti másele, nátıjesinde odan jıi áıelder zardap kóredi dep jazady Qamshy.kz aqparat agenttigi Jambyl oblysy prokýratýrasynyń buqaralyq aqparat-qyzmetine silteme jasap.

         Árıne, áıelderge qatysty zorlyq-zombylyq oryn alýyna er azamattarynyń alkagolge táýeldi bolýy jáne bul zorlyq-zombylyqtyń oryn alýyna eń negizgi faktor bolyp tabylady.

         Nátıjesinde otbasylarynyń shańyraǵy buzylyp, balalar zardap shegedi. Eń bastysy zorlyq-zombylyq keı jaǵdaılarda aýyr qylmystardyń  oryn alýyna alyp keledi.

         Jambyl oblysy prokýrory  Sybanqulov Ernattyń sózine qaraǵanda 2016 jyly turmystyq zorlyq-zombylyq saldarynan 24 qylmys oryn alǵan,  2017 jyldyń 1-shi jartyjyldyǵynda -8.

         Jambyl oblystyq jas analarǵa arnalǵan Daǵdarys ortalyǵynyń málimetine saı 2016 jyly atalǵan ortalyqqa turmystyq zorlyq-zombylyqtan zardap shekken 14 áıel júgingen, al 2017 jyly- 6.

         Jumys babynda jıi jan túrshigerlik ár túrli oqıǵalar týraly estýge týra keledi, «kók jylan»-nyń kesirinen «otbasynyń ezýshisi»-men jaqyn týystaryna qatysty zorlyq-zombylyqtar jasalynady – dep oblys prokýrory aıtyp berdi.

         Aǵymdaǵy jyldyń 30 mamyrynda Sarysý aýdanynda «Sh» degen azamat alkogóldik ishimdik iship alyp, óziniń joldasyna pyshaqpen jaraqat keltirgen, tipti joldasynyń anasy «qoı» degen áreketine qulaq salmaı, sońǵysyna da  pyshaq jumsaǵan. Tek, der kezinde oqıǵa orynyna jetken atasy kúıeý balasyn toqtatqan. Qazir atalǵan kúıeý bala qamaýǵa alynyp, sottyń sheshimin kútýde.

         Baızaq aýdanynda turaqty zorlyq-zombylyqqa shydaı almaǵan, odan soraqysy anasyna qol jumsaǵan balasyn, ákesiniń ózi óltirýine alyp kelgen.  Qart jasyna jetken ákesi  óziniń 70 jyldyǵyn kóre almaı, qaıtys bolyp ketken.

         Basqa jaǵdaıda, Moıynqum aýdanynda turaqty zorlyq-zombylyqqa shydaı almaǵan áıel óziniń joldasyn óltirgen. Qazirgi kezde bul áıel sot sheshimin kútýde.

         Ókinishke oraı, kóp jaǵdaılarda mundaı áreketterge alkogól túrtki bolady.

         Oblystyq narkodıspanser mekemesiniń málimetine  saı búgingi tańy alkogoldik ishimdikke táýeldi dıagnozymen 5 myńǵa jýyq  er azamattary tirkeýde tur, ıaǵnı bul degen áli kóptegen otbasylary turmystyq zorlyq-zombylyqtarǵa qaýipti bolyp tabylady.         

         Bizdiń qalyptasqan mentalıtetimizge baılanysty kóptegen áıelder  otbasylaryndaǵy turmystyq zorlyq-zombylyqtaryna shydap, ony jasyryp keledi dep senimmen aıta alamyn. Munyń bári aıanyshty nátıjelerge alyp keledi.

         Al qazir, ózderin, balalaryn qorǵaý maqsatynda kókeıkesti  máselelerdi kóterýge kóptegen múmkindikter bar - dep atap ketti oblys prokýrory.

         Qazirgi tańy, Bas prokýratýranyń bastamasymen elimiz boıynsha «Qazaqstan otbasy zorlyq-zombylyqsyz»  jobasy  iske asýda, onyń sheńberinde elde jaǵdaıdy ózgertý maqsatynda aldyn ala saqtandyrý sharalary júrgizilýde. Bul álbette, zańdardyń jáne uıymdastyrý sharalarynyń  ózgertilýi,  úılestirýshi organdy anyqtaý,  ákimdikterde jańa  otbasy jáne zorlyq-zombylyqtar profılaktıkasy boıynsha Basqarmalar qurýy, azamattyq qoǵam men memlekettik organdar aralarynda ózara qarym-qatynas júeısin qurý jáne t.b.

         Osyǵan oraı, qazirgi kezde oblys prokýratýra organdarymen atalǵan jobanyń iske asýyna is-sharalar júrgizilýde, árbir prokýror profılaktıkalyq is-sharalar júrgizýge baǵyttalǵan, kezdesýler, trenıńter júrgizilýde.

         Jergilikti polısıa qyzmeti, daǵdarys ortalyqtardyń ókilderi,  psıhologtar jáne basqa da múddeli qyzmettermen birge qosyla otyryp  qolaısyz otbasylaryn aralap, olarǵa konsýltatıvtik kómek kórsetý keleshekte josparda bar.

         Otbasy ol- qoǵamnyń uıasy dep menimen aıtylmaǵan, osyǵan oraı ondaǵy densaýlyq jaǵdaıy memlekettiń qolaıly damýyna áserin tıgizedi, ıaǵnı bul árbir azamattyń múddesi.

         Turmystyq zorlyq zombylyqqa qarsy turýyna, tipti ol basqa otbasynda oryn alsa da, qatyspaı qalýy árbir azamattyń mindetine jatady dep men senim bildiremin. Óıtkeni, tek bárimiz birge ǵana  atalǵan jamandyqqa toıtarys bere alamyz -, dep túıindedi oblys prokýrory.