Túrkıa Prezıdenti Rejep Taıyp Erdoǵan musylmandar Jańa jerge Hrıstofor Kolýmbtan 300 jyl buryn keldi, dedi genýıalyq teńiz saıahatshysynyń kúndeligindegi meshit týraly jazbalarǵa silteme jasap, dep habarlady Bı-bı-sı.

Latyn Amerıkasyndaǵy musylman dini basshylarynyń samıtinde sóılegen sózinde túrik kóshbasshysy ıslamnyń Kýbada paıda bolýy 1178  jyldyń tóńiregi ekenin eske saldy.

Tarıhshylar Kolýmb kúndeligindegi «taýdaǵy meshit» degen sózderdi salystyrý túrinde túsiný kerek ekenin aıtady, bul jerde ıspandyq ekspedısıa basshysy tabıǵı nysannyń qyzyqty geografıalyq qasıetterine nazar aýdarǵan, deıdi olar.

Jalpyǵa birdeı moıyndalǵan qazirgi tarıh ǵylymyna sáıkes Amerıkada alǵashqy bolǵan ejelgi skandınavtar kórinedi, olar Kolýmb saıahatynan 500 jyl buryn qazirgi Kanadanyń jaǵalaýyn zerttegen.

Amerıka qurlyǵynyń baıyrǵy turǵyndary budan 15 myń jyl buryn Berıng buǵazynyń muzy ústimen ótken degen paıymdaýlar bar.