QR Premer-Mınıstri Baqytjan Saǵyntaev soltústik qazaqstandyq «Zenchenko jáne K» kópbeıindi agrarlyq kásipornynyń jumysymen tanysty, onda memlekettik qoldaý sharalary, sonymen qatar AÓK damytý memlekettik baǵdarlamasy aıasynda aýyl sharýashylyǵy ónimderin óndirý boıynsha jobalar iske asyrylǵan dep habarlaıdy Qamshy.kz aqparat agenttigi.

Seriktestik dırektory G. Zenchenko Baqytjan Saǵyntaevqa aýyl sharýashylyǵynda qoldanylatyn tehnologıalar men shyǵarylatyn ónimderdiń túrleri týraly baıandady.

Aýyl sharýashylyǵy qurylymynyń jalpy egindik alqaby - 26,6 myń ga-ǵa jýyq. Dándi daqyldarmen qatar maıly daqyldar, kartop jáne mal azyǵy daqyldary egiledi. Budan ózge, munda mal sharýashylyǵy men sút ónimderin óndirýmen de aınalysady.

Seriktestikte ónimderdiń básekege qabilettiligin arttyrý men kásiporynnyń ónimdiligin ulǵaıtý sharalary júzege asyrylǵan. Óndiristik úderister avtomattandyrylǵan, aldyńǵy qatarly tehnologıalar engizilýde, qajetti mıneraldy tyńaıtqyshtar men sapaly tuqymdar qoldanylady.

Aýyl halqy úshin, sonyń ishinde sharýashylyqta eńbek etetinder úshin «Zenchenko jáne K» TS sporttyń ár túrimen aınalysýǵa qajetti jabdyqtary bar dene shynyqtyrý-saýyqtyrý keshenin ashqan.